الفارس الأول .....2080

عام 2080الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدوالجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتناالحفيدة : أيوه بس مش حاسس إنك مخنوق وانت لابسه؟الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنةالحفيدة : ياه يا جدو .. ده انتوا كان ليكم تقاليد غريبة خالصالجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاقالحفيدة : معقول يا جدو؟ للدرجة دي؟؟الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتيالحفيدة : يا خبر .. وإيه كمان ياجدوالجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تانيالحفيدة: ومين الست دي يا جدوالجد: في حد مايعرفش الست...نانسي عجرم طبعاالحفيدة : وبعدينالجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بسكان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلةالحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبيلأنه بايت معايا في الأودة من امبارح ..)بعد عدة دقائق) هيه يا جدو .. وبعدينالجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟الحفيدة : 70 مليون بس؟الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟الحفيدة : ما هو علشان كده كان الجواز على أيامكم كان سهل خالصالجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمهاالحفيدة : ده انتوا كنتوا متزمتين خالص ياجدو!! الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيامالحفيدة : رايح فين يا جدوالجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ ..
نقلا عن منتديات عبد الرحمن يوسف

خالد الطبلاوي ...وبدأت فصول المسخرة

نوبة شعر جميلة وحلوة تدخل فيها تقطع وقتك

تتلهي فيها وتنسى مشاكل

وتعرف شكلك

اللي ما شكلك زيه اتنين

تعرف تقرا

وتسمع فكرة

بس اوعاك تعملها يا بيه

وتحط دماغك على خدك

وتبدأ نوبة من الأفكار

يبقى وصلت يا باشا

أخيرا وشرفت في آخر المشوار

يا الخانكة يا ابو زعبل دوغري

يا اما يا روحي في لا ظوغلي

واوعي تقرب للترماي

وان شافك حد وبتفكر

تف الفكرة بسرعة

ولف

حوالين نفسك

مرة

ونف

واعمل انك عندك برد

تبقى خلصت

واوعاك مرة تانية تفكر الا نعيد من الاول تاني

ونرجع

تاني ونلف

بدأت فصول المسخرة

بدأت فصول المسخرة

والكف جايلك من وره

اعدل قفاك دا كوهين وجاك

جايين معاهم مقدرة

هيخلوا دمك دندره***

يا للي انت بتحارب أخوك

وتبيع ميراث جدك وأبوك

ياللي العدا بيطمعوك

إنك هتصبح مفخره

الكف مش جاي من أخوك الكف جايلك من وره****

خدعوك ياخويا وقرطسوك

بلجام قطيفة بيركبوك

مدفع وطوبة سيبوك

وادوك صابونة معطرة

ومعاها حتة سكره

والكف جايلك من وره****

ياللي نسيت عهد الجدود

وآمنت بالزيف والحدود

دمك هينشف م الوعود

اللي بتطرح منظره

تتلهى تسأل إيه جرا

والكف جايلك من وره

الفارس الأول ..عاوز أجازة

تعبت من كتر الشغل

منذ عدة أعوام وأنا أعاني من عملي الكثير

والمجهد وأبحث عن السبب في كل ضغط العمل عليَّ

حتى وجدت السبب الحقيقي

في كوني مشغول طول الوقت

أنا تعبت جداً من كتر الشغل

عدد سكان بلدي 77 مليون

منهم 34 مليون عجائز وكبار السن

فيتبقى 43 مليون لكي يعملون

منهم 27 مليون لا يزالوا يدرسون

فيتبقى 16 مليون للعمل

منهم 9 مليون بالعسكرية والجيش

فيتبقى 5 مليون للعمل

منهم 2 مليون حكوميين وسياسيين

فيتبقى 3 مليون للعمل

منهم 2 مليون و550 ألف مرضى بالمستشفيات ومعاقين ومقعدون

فيتبقى 450 ألف للعمل

منهم 449998 في السجون فيتبقى 2 فقط للعمل

أنا وأنت

وأنت سايب شغلك وقاعد تقرا الموضوع بتاعك

يعني أنا بس اللي بشتغل

مليش دعوة أنا عاوز أجـــــــازة

نظام الدين

قصيدة حب من العصر العجواني الاول
قل للقلب لا تحزن فذاك الحبInfection
لن تجدي عقاقيرا ولن يشفيكInjection
كم من عاقل فطن سلك للحب Direction
ستنكره وتنساه ولن يبقى له Mention
فلا تكتب له شعراً ولا تكتب له Section
ولا يحزنك من باعك فقد أخطأت Selection

هاميس ...قصيدة لمحمود موسى

لم لتمالك نفسي وأنا أقرأها .. ففغرت فاهي ورفعت حاجبي اعجابا وعجبا ...لسه في حد بيصيغ شعر بهذا الشكل الجميل

كم هائل من التراكيب الشعرية والصور و الكلمات ..وكل هذا لم يفقد ترابطه ولم يستطع ان يفقد النص وحدته او أن يكسر وزنه

او يفقده الترابط والتناغم .... محمود موسى تستاهل التحية وارفعوا له القبعة ،،،،،،

" خطر"

" إحذر"

"سفيه""مجنون"

رسالة من إخيتاتون بتتحرر..

وبتحذر،

أخينا اللى اسمه فى اللايحة : "بتاع الجاز"

تقول له هناك ماتحفرشى ..

وماتنخربش

وماتدوّرش عالسر اللى متمدد فى قعر البير

عشان اللف والتدويرهيكشفنا

وكل الخلق هتشوفنا

ف قلب الشق هيكلنا و ورق وعقود

وصفقة من اللى كل الشعب عداها

وعدا لها

حاجات مردومة وف حالها

وجى انت تفوقهم وتفتح لى القديم بجديد

وياللى انت بتاع الجاز

ما قلنا لك بيوتنا قزاز

بيسترها التراب لكن

لقينا الهندسة منك مهارة وكيف

وشكلك ناوى تفزعنا

وقبل الصد واللعنة

نسبّق لك

بعرض لطيف

ونبعت لك عروس النيل بمرسالنا

تشاور عقلك الصاحى

تقول لك بالدلال : " هــــاميس "

ماحد يشوف ويسمعها سواك انت

هتبقى لك عشاننا سفير

وتظهر لك خيال تصاوير

ساعات تمشى

ساعات تجرى

ساعات .. بتطير

توشوش فكرك السارح

ما تعرف بكرة لو عدا من امبارح

وده المطلوب!..تبطل حفر،،

وماتصحى اللى كان نايم ومتغطى بسقف القبر

وفايت أرضه للطوفان ..

ومتمددف حفرة قد كهن الليل

وراحت عالوجيه نومة

فماتزنش

و ماتصحّيش

وغير خطك الملعوب

وشوف جازك

بعيد عن حفرة المساطيل

وبطّل يالبعيد تمثيل

يا إما هنسخطك أرنب

تمدد جنبهم أرنب

هتتخشب

ويحصل لك يا شاطر زى عمو اللى اتقلب دبو

ر،وماشى يغنى للحنطور

تطبل للعنب ويابخت من يصبح سليم..

مستور

فلم العدة شوف شغلك ف بير تانى

على الخط البعيد غيّر

ولم الدور!

ألم أقل لكم ...غريب شعره لكنه مفهوم صعب أن يفقد تركيزه مهما دار ولف بين جدران القصيدة

قلما نجد شاعر مثله الآن

تحياتي

http://www.montada.arahman.net/showthread.php?t=8298

شعر ....من دولة أشعارستااااااااااااان

شعر : شادي المدينة
ياشعبي حبيبي ياروحي يابيبي
ياحاطك في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ واخر انسطال
احبك مكبر دماغك مخدر
ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولاراو ريال
واحبك تطبل تهلل تهبل
عشان ماتش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغلي مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعمللي روحك مفرد رجال
ساعتها هجيبك لايمكن اسيبك
وراح تبقى عبره وتصبح مثال
هبهدل جنابك واذل اللي جابك
وهيكون عذابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضيه وتصبح رزيه
وباقي حياتك تعيش في انعزال
هتقبل هحبك هترفض هلبك

هتطلع هتنزل هجيبلك جناااااااااان

للاطلاع على أصل القصيدة http://www.montada.arahman.net/showthread.php?t=8503

هذه قصيدة شاركت بها في مؤتمر حزب الكرامة المصري ، و هي تعليق على الاعتداء الآثم
الذي تعرض له الأخ و الصديق الأستاذ / عبدالحليم قنديل . . .
عبدالرحمن يوسف




رِسـَـالــَـــة ٌ فـــي فـُـنــُــــون ِ الـضـَّــــــرْبِ . . . !







اضـْــــــــرب . . . فــَلـَسـْـنـَـــــا نـَخــَــــــافُ الـســَّـــــــوْط َ و الـوَجَـعـَـــــــــــا

اضـْــــــــرب . . . لأنــَّـــــــــكَ تـَـبـْــــــــــدُو خـَائِـفـَــــــــــــا ً جـَـزِعــَــــــــــــــا



الـضـَــــــــرْبُ . . . قــَـشـَّــــــة ُ قــَـصــْـــــم ِ الـظـَّـهــْـــــــر ِ فـــــي بـَلـَـــــــــــدي
فـَاضـْــــــــربْ . . . فـَمـَـــــا كـُنـْـــــتَ فـــــي ذي الأمـْـــــر ِ مُـبْـتـَـدِعـَـــــــــا !



و اضـْـــــــــــــــربْ بـِـرَأسـِـــــــــــكَ حِـيـطـَانــَــــــــــــا ً و أعـْـمـِـــــــــــــــدَة ً
و اضــْـــــــــربْ بـِـظـُـلـْمــِــــــــــكَ أحـْزَابــَــــــــــــا ً و مـُجـْـتـَـمـَـعــَـــــــــــــــا



الـضـَّــــــــرْبُ بـالـكـَّـــــــــفِّ سـَهــْـــــــــلٌ إنْ صَـبـــَــــــــرْتَ لـــَـــــــــــهُ
و الـضـَّـــــــرْبُ بـالـحــَـــــــرْفِ دَوْمــَــــــــــا ً يــُـــــــــورثُ الـهـَـلـَـعــَــــــــــا !



فـَاضــْــــــــــربْ بـِكـَفــِّـــــــــكَ طـُــــــــــولَ الـلـيــْـــــــــــل ِ تـَـوْأمـَهــَــــــــــا
حـَـتــَّــــــــــى بـَــــــــدَوْتَ كـَمـَـــــــــنْ فــــــــــي أهـْـلـِـــــــــهِ فـُجـِـعــَـــــــــــا



الـضـَّـــــــــرْبُ بـالـصـَّـفـْـــــــع ِ فـــــــــــــي أرْضـِـــــــــــي مـُخـَاطــَـــــــــــرَة ٌ
كـَــــــــمْ قــَــــــــدْ رَأيـْـنــَـــــــا مـِــــــــرَارَا ً صَـافِـعـَــــــــا ً صـُـفِــعــَـــــــــا !


و اضـْــــــــــربْ بـِـلـَيـْـلـِــــــــــكَ أخـْـمـَـاســَـــــــــــا ً لِـتـُسْـكِـتـَـنــَــــــــــــــــا
تــَــــــــرَى الـنـَّـتِــيــجــَـــــــــة َ صـَـــــــــوْتَ الـحـَــــــــقِّ مـُـرْتـَـفِــعــَـــــــــا !



كـَـــــــــــمْ مــَــــــــارَسَ الـضـَّـــــــــــرْبَ قــَــــــــــــوَّادٌ و عـَـاهــِـــــــــــــرَة ٌ
كِـلاهـُـمـَـــــــــــا لِـصـُـنـُــــــــــــوفِ الـعـُـهـْـــــــــــــر ِ قــَـــــــــدْ رَضـَـعــَـــــــــا



فـَـاضـْــــــــــربْ دُفـُـوفـَـــــــــــكَ يـــــــــا مِـغـْــــــــــــوَارَ بـَـلـْـدَتـِـنــَـــــــــــا
و نــَــــــــمْ بـِـنـَصــْــــــــــرِكَ طــُـــــــــولَ الـلـيــْــــــــــل ِ مـُنـْخـَدِعـَـــــــــــــا



لا الـضـَّـــــــــرْبُ يـُـجــْـــــــــدي . . . و لا الأجـْـنــَــــــادُ تـُـرْهـِـبـُـنــَـــــــــــا
كــَـــــمْ ضــَـــــارب ٍ قــَــــــــدْ دَفــَـنــَّــــــا بـَـعـْــدَمــَــــــــا قـَـمَـعــَــــــــا ! !



وَفــِّــــــــرْ سِـيـَاطـَــــــــــكَ . . . لـَـيـْــــــــــسَ الـسـَّـــــــوْط ُ يـُـرْهِـبـُـنـِــــــــــي
و اضـْـــــربْ لـِـتـُـسْـكـِـــــتَ شِـعــْـــــري فــــــي الـدُّجـَـــى الـوَدَعـَــــــا ! ! !



* * *


يـَـــــــا مـَـــــنْ بـَـــــــدَا بـَـارعــَـــــــا ً فــــــي ضـَــــــــرْب ِ إخـْـوَتــِــــــــهِ
لـَـكـِــــــــنْ بـِـضـَـــــــــرْب ِ عــَــــــــدُوِّ الأرْض ِ مــَــــــــا بـَـرَعــَــــــــــا !


رَاقـِــــــــــــــبْ خـُطــَــــــــــاكَ . . . فـَـتِـلــْـــــــــكَ الأرْضُ نـَـاقـِـمـــَـــــــــــة ٌ
و الأرْضُ تـَـطــْـــــــــرَحُ دَوْمــَــــــــــا ً جـِـنــْــــــــسَ مـَـــــــــا زُرِعــَــــــــا




يـَـكـْـفـيــــــكَ مـَـــــــا قــَـــــــدْ جـَـمَـعــْــــــتَ الـعـُـمــْــــــرَ مـِـــــنْ عـَـرَقـِــي
يـَــــــــا مــَــــــــنْ خـَـزَائِـنــُـــــــــــهُ لا تـَعــْــــــــــرفُ الـشـَّـبـَـعـــَـــــــــــا



لا تـَعـــْــــــــــــرفُ الـزُّهــْــــــــــــــدَ إلا فــــــــــــي كـَـرَامـَـتـِـنـــَـــــــــــــا
و إنْ بــَـــــــدَا مـَـالـُـنــَـــــــــــــا تـُـبـْــــــــــدي بــِـــــــــهِ طـَـمـَـعــَـــــــــــا !



مــَـــــــا زلــْـــــــــــتَ تـَضــْــــــــربُ إخـْـوَانــَــــــــــا ً بـِـإخـْـوَتـِـهــِــــــــــــمْ
حـَـتـَّــــــــــى ظـَـنـَـنـْــــــــــتَ بــِـــــــأنْ فـَـرَّقـْـتـَـنــَـــــــــــا شِـيـَـعــَــــــــــــــا



الـيـَـــــــــوْمَ كــُـــــــــلُّ رجـَــــــــــــال ِ الـحــَـــــــــقِّ قــَـــــــــدْ وَقــَـفــَــــــتْ
هــَــــــــلْ فــَــــــرَّقَ الـضـَّــــــرْبُ هــَــــــذا الـشـَّـمـْـــــلَ أمْ جَـمَـعـَــــــا ؟ ؟ ؟



وَحـَّــــــــدْتَ كــُـــــــلَّ جـُـنــُــــــــودِ الـرَّفــْــــــــض ِ فــــــي بـَـلــَـــــــــــدي
فـَـاشـْـكــُـــــــرْ لِـضـَـاربـِـنــَــــــــا ، و افــْـــــــرَحْ بـِـمــَـــــــــا صَـنـَـعــَـــــــــــا


مـَـــــــا زلـْـــــــــتَ تـَـكــْـــــــرَهُ صـَـــــــــوْتَ الـحـَـــــــــقِّ مـُـتـَّـزنــَـــــــا ً
و تـَـكــْـــــــــــرَهُ الـخـَـيــْـــــــــرَ و الإحـْـســَــــــــــانَ و الــوَرَعــَــــــــــــا



الـظـُّـلـْـــــــــــمُ نــَـــــــــــارٌ عـَـلــَــــــــى الـظـــُّـــــــــلام ِ تـَـحـْـرقــُهــُــــــــــمْ
مـَهـْـمــَـــــــــا بــَــــــــــدَا عـَـرْشـُـهــُـــــــــمْ بـالـجـُـنــْــــــــــدِ مُـمـْـتـَـنِـعـَـــــــــا



فـَاحــْــــــــذرْ مـِـــــــــنَ الـنــَّــــــــــار ِ . . . إنَّ الـنــَّـــــــــارَ مـُحـْـرقــَـــــــــة ٌ
و لـْـتـَـرْتـَـــــــدِعْ مــَـــــــرَّة ً . . . لــَــــــوْ كـُـنــْـــــــتَ مـُرْتـَـدِعــَـــــــا ! ! !


الـقـَـاهــِــــــــــرة 2/11/2004
من منتديات موقع عبد الرحمن يوسف