هذا الموضوع محض خيال ولم اتحاور مع أحد ولكنها محاولة أدبية خاضعة للنقد وقابلة للفشل
حوار بالبدلة الحمرا
ساعات قليلة تفصله عن العالم الآخر ......... ترى بماذا يفكرون ؟ هل يتمنون الموت قبل ان تحين مقابلة عشماوي؟
ماذا عن الآخرون ؟ ذويهم هل اعتبروهم انتهوا ام ما زال يحبوهم الأمل؟
هل لا زال هناك امل في الحجرة الظلماء؟ فيما يكون الأمل؟ هل هناك غد افضل أو شئ من هذا القبيل ؟
من لا زال يحبوه الأمل في إفراج أسطوري؟
من يظن أنه الفراق؟
من اعلن ندمه وخلاصه من ذنبه أمام الله وتوبته ومن لازال يردد بلا كل أو ملل أنا مظلوم؟
حاورتهم بالبدلة الحمراء
دخلت الحجرة الخالية إلا من فراش برده من بروده صاحبه .....توقعت أن يهتف فور مقابلتي انا برئ ولشده دهشتي ظل قابعا في مكانه لم أجرؤ على بداية الحديث معه عن ميعاده المحتوم
حاولت ان اتطرق لبعض الحوارات الجانبية رأيت أنه من السخف أن اتكلم معه عن مشكلة الشرق الأوسط وتداعيات الوضع في المنطقة ...فهو على ميعاد مع عشماوي
تكلم هو اولا
مش عارفة تبتدي منين صح؟
تقريبا ً .. بيتهيألي أعرف جريمتك الأول؟
جريمتي؟؟؟ ومن أدراك انني مجرم؟
جينا للكلام المفيد .. مش مجرم أمال هنا ليه تقضية واجب ؟ بتحل محل واحد صاحبك مالهوش نفس يتعدم؟
قهقة في هدوء ( الله يكرمك ) بقالي كتير ما ضحكتش بنفس ...انت تبع جريدة ايه ؟ ولا انت تبع خدمة اجتماعية؟
.........انت متعلم ؟
لا التعليم يختلف عن الثقافة .....ما حدش ما يعرفش الاخصائي الاجتماعي .
المهم حلينا في موضوعنا أنت قلت مين قالك اني مجرم .......؟
طبعا أنا مذنب لأن باختصار تهمتي هي الاتجار في المخدرات و التعاطي والقتل العمد بسبب كل ده.......لكن
قاطعته : اكيد الاعدام للقتل ؟
بلاش تقاطعيني انا سايبلكم الدنيا وماشي ...لكن ممكن أسألك سؤال وتدردي بصراحة ؟
أحاول
احب الانسان الصريح ..... عمرك ما قتلتي حد؟
لو تقصد على الحشرات ممكن اكون قتل عدة ناموسات.....حضرتك بتهزر؟ طبعا عمرى ما قتلت حد والا كنت اتحاكمت ....لو بتقصد بكلامك انك محكوم عليك ظلم ......
مقاطعا : لالالالالا انا بتكلم عن القتل هو لازم اقتل حد بسكين أو حاجة زي كده لا يا ستي كتير عايشين ميتين..........
.............
اه امال ايه يعني اللي بيشرب مخدرات ما هو ميت تفتكري الشباب بيشرب مخدرات ليه ؟
مش لاقي حاجة يعملها يحس فيها بنفسه البلد ضايعة وهو صايع ومالهوش هوية ....يعلنه عن شغل يقدم يطلبوا واسطة او خبرة 10 سنين الواد من دول محبط انا اولهم
انا اول ما خلصت الدبلوم سافرت على بورسعيد كانت بورسعيد في زمانها خير ولبس وشياكه واقل سعر .....فجاة قررت الحكومة انها تقفلها جابت عاليها واطيها من غير ما تسأل حد ولا اعتبار لاي حد كل واحد فينا قرر يشتغل في حاجة دخنا احنا اساسا ما نعرفش غير التجارة ادمرنا مننا اللي فوت بعد عنك ومننا اللي دور على حياته من جديد ومنا اللي زي حلاتي رما نفسه في بير مال هوش نهاية القصة المعتادة اصحاب السوء ومكان فاضي وشيشة وخلافه النتيجة ادمان وا لمدمن لازم يلاقي تمن اللي بياخده .
...............
أه كنت باخد طبعا بتكييف يعني في الاعياد والمناسبات فرح ولا كلام من ده بس كنت بعقلي ومعايا تمن اللي باخده ......
بس المهم مش اللي حصلي انا بس بقولك لآن لقيت في عنيكي نظرة فضول
المهم انك سألتي على اللي كل يوم بيموتوا أحياء ......انا مظلوم
نعم ؟ مظلوم ازاي يعني؟ قاتل وتاجر مخدرات مظلوم ؟
انا عايز افهم هو التجارة في المخدرات عيب؟
لا ابدا دا واجب قومي ؟ علشان كده بيدوا عليه جوايز 25 سنة
لا وانتي الصادقة اعدام كمان بس ليه ؟ لتجارالمخدرات بس علشان بيتاجر بهموم الناس مش دا كلام الافلام ؟
و اللي بيتاجر بأحلام الناس ويخليهم مهمومين .......؟ مش من باب أولى يتعاقب ؟
......................َ!
من باب اولى نعاقب اصحاب العمل اللي بيستغنوا عن الناس من غير وجه حق ولا سابق انذار ويجوعوهم ويهموهم من باب اولى يسجنوا الوزرا و الحكومة اللي مش عارفة تحل مشاكل الشباب ولا تشغلة وكل يوم عمالين يقولوا طاقة معطلة ..........يسجنوا صاحب الشغل اللي بيشغل أجنبي في بلده وسايب ولاد بلده ....... اسجنوا ........لا تعليق
الجرايد كل يوم بتقول انه دخل مواد مسرطنه مصر واسمدة فاسدة ومبيددات مسممة صح ولا انا غلطان ؟...سايبينه ليه ؟ الفاكهه و الخضار بتاع زمان ما بقالوش طعم سمموا لنا الأكل وسممولنا حياتنا وشردونا وبيقولوا تجار مخدرات على الأقل انا بقول للناس دي مخدرات مش ببيعها على أنها أكل الغلابة واسممهم واجيب لهم سرطان مش عايزينه
اللي بيتعاطى المخدرات عارف طريقة بس ا لناس مش عارفة هي بتاكل ايه ولا بتموت من ايه ؟ والتجار اللي دايرين يتاجروا مع اسرائيل
تعرفي انا عمري ما جيبت مخدرات جاية من اسرائيل ....شفتي بقى انا مظلوم ازاي......... الناس.ما بقالهاش طعم ولا الدنيا أحسن ان الواحد سايبها
.........................
انتهى الحوار .......انتهي الكلام كلام تاجر مخدرات .....قدر لي ان اشاهد احلامه وطموحه في البدلة الحمرا احلام قد يكتب لها ان تتحقق وقد يكتب لها الذبول ككل أحلامنا الصغار .....انا لم استطع الرد عليه ..... لماذا لم يطلب احد طلب احاطة عن هذا الوزير ؟ أم ان مجلس الشعب اصبح ملاكي هو الآخر
انا لا ألوم هذا الرجل على كلامه لكنه مذنب بكل الأشكال والصور وانا لا اتعاطف مع المذنب لا اتعاطف مع شخص على موعد مع العدالة التي لا تقبل المهادنة عدالة رحيمة عدالة السماء .....فماذا عن عدالة الأرض ؟؟؟؟؟؟؟
اعتقد أمامها الكثير والكثير هناك من يتاجرون بأحلام الشباب وطموحات تلك الأرض ..... الشعب والوطن في خدمة السلطة شعار جديد استنه اصحاب النفوذ القوي والسلطة العليا شعار اعتبرت مصر فيه حقل تجارب لتجارة هؤلاء المارقين والمتاجرين بأحلامنا وأقواتنا وحتى لا ننتهي بالبدلة الحمراء نلتمس طلب احاطة من كل مسئول ...
ساعات قليلة تفصله عن العالم الآخر ......... ترى بماذا يفكرون ؟ هل يتمنون الموت قبل ان تحين مقابلة عشماوي؟
ماذا عن الآخرون ؟ ذويهم هل اعتبروهم انتهوا ام ما زال يحبوهم الأمل؟
هل لا زال هناك امل في الحجرة الظلماء؟ فيما يكون الأمل؟ هل هناك غد افضل أو شئ من هذا القبيل ؟
من لا زال يحبوه الأمل في إفراج أسطوري؟
من يظن أنه الفراق؟
من اعلن ندمه وخلاصه من ذنبه أمام الله وتوبته ومن لازال يردد بلا كل أو ملل أنا مظلوم؟
حاورتهم بالبدلة الحمراء
دخلت الحجرة الخالية إلا من فراش برده من بروده صاحبه .....توقعت أن يهتف فور مقابلتي انا برئ ولشده دهشتي ظل قابعا في مكانه لم أجرؤ على بداية الحديث معه عن ميعاده المحتوم
حاولت ان اتطرق لبعض الحوارات الجانبية رأيت أنه من السخف أن اتكلم معه عن مشكلة الشرق الأوسط وتداعيات الوضع في المنطقة ...فهو على ميعاد مع عشماوي
تكلم هو اولا
مش عارفة تبتدي منين صح؟
تقريبا ً .. بيتهيألي أعرف جريمتك الأول؟
جريمتي؟؟؟ ومن أدراك انني مجرم؟
جينا للكلام المفيد .. مش مجرم أمال هنا ليه تقضية واجب ؟ بتحل محل واحد صاحبك مالهوش نفس يتعدم؟
قهقة في هدوء ( الله يكرمك ) بقالي كتير ما ضحكتش بنفس ...انت تبع جريدة ايه ؟ ولا انت تبع خدمة اجتماعية؟
.........انت متعلم ؟
لا التعليم يختلف عن الثقافة .....ما حدش ما يعرفش الاخصائي الاجتماعي .
المهم حلينا في موضوعنا أنت قلت مين قالك اني مجرم .......؟
طبعا أنا مذنب لأن باختصار تهمتي هي الاتجار في المخدرات و التعاطي والقتل العمد بسبب كل ده.......لكن
قاطعته : اكيد الاعدام للقتل ؟
بلاش تقاطعيني انا سايبلكم الدنيا وماشي ...لكن ممكن أسألك سؤال وتدردي بصراحة ؟
أحاول
احب الانسان الصريح ..... عمرك ما قتلتي حد؟
لو تقصد على الحشرات ممكن اكون قتل عدة ناموسات.....حضرتك بتهزر؟ طبعا عمرى ما قتلت حد والا كنت اتحاكمت ....لو بتقصد بكلامك انك محكوم عليك ظلم ......
مقاطعا : لالالالالا انا بتكلم عن القتل هو لازم اقتل حد بسكين أو حاجة زي كده لا يا ستي كتير عايشين ميتين..........
.............
اه امال ايه يعني اللي بيشرب مخدرات ما هو ميت تفتكري الشباب بيشرب مخدرات ليه ؟
مش لاقي حاجة يعملها يحس فيها بنفسه البلد ضايعة وهو صايع ومالهوش هوية ....يعلنه عن شغل يقدم يطلبوا واسطة او خبرة 10 سنين الواد من دول محبط انا اولهم
انا اول ما خلصت الدبلوم سافرت على بورسعيد كانت بورسعيد في زمانها خير ولبس وشياكه واقل سعر .....فجاة قررت الحكومة انها تقفلها جابت عاليها واطيها من غير ما تسأل حد ولا اعتبار لاي حد كل واحد فينا قرر يشتغل في حاجة دخنا احنا اساسا ما نعرفش غير التجارة ادمرنا مننا اللي فوت بعد عنك ومننا اللي دور على حياته من جديد ومنا اللي زي حلاتي رما نفسه في بير مال هوش نهاية القصة المعتادة اصحاب السوء ومكان فاضي وشيشة وخلافه النتيجة ادمان وا لمدمن لازم يلاقي تمن اللي بياخده .
...............
أه كنت باخد طبعا بتكييف يعني في الاعياد والمناسبات فرح ولا كلام من ده بس كنت بعقلي ومعايا تمن اللي باخده ......
بس المهم مش اللي حصلي انا بس بقولك لآن لقيت في عنيكي نظرة فضول
المهم انك سألتي على اللي كل يوم بيموتوا أحياء ......انا مظلوم
نعم ؟ مظلوم ازاي يعني؟ قاتل وتاجر مخدرات مظلوم ؟
انا عايز افهم هو التجارة في المخدرات عيب؟
لا ابدا دا واجب قومي ؟ علشان كده بيدوا عليه جوايز 25 سنة
لا وانتي الصادقة اعدام كمان بس ليه ؟ لتجارالمخدرات بس علشان بيتاجر بهموم الناس مش دا كلام الافلام ؟
و اللي بيتاجر بأحلام الناس ويخليهم مهمومين .......؟ مش من باب أولى يتعاقب ؟
......................َ!
من باب اولى نعاقب اصحاب العمل اللي بيستغنوا عن الناس من غير وجه حق ولا سابق انذار ويجوعوهم ويهموهم من باب اولى يسجنوا الوزرا و الحكومة اللي مش عارفة تحل مشاكل الشباب ولا تشغلة وكل يوم عمالين يقولوا طاقة معطلة ..........يسجنوا صاحب الشغل اللي بيشغل أجنبي في بلده وسايب ولاد بلده ....... اسجنوا ........لا تعليق
الجرايد كل يوم بتقول انه دخل مواد مسرطنه مصر واسمدة فاسدة ومبيددات مسممة صح ولا انا غلطان ؟...سايبينه ليه ؟ الفاكهه و الخضار بتاع زمان ما بقالوش طعم سمموا لنا الأكل وسممولنا حياتنا وشردونا وبيقولوا تجار مخدرات على الأقل انا بقول للناس دي مخدرات مش ببيعها على أنها أكل الغلابة واسممهم واجيب لهم سرطان مش عايزينه
اللي بيتعاطى المخدرات عارف طريقة بس ا لناس مش عارفة هي بتاكل ايه ولا بتموت من ايه ؟ والتجار اللي دايرين يتاجروا مع اسرائيل
تعرفي انا عمري ما جيبت مخدرات جاية من اسرائيل ....شفتي بقى انا مظلوم ازاي......... الناس.ما بقالهاش طعم ولا الدنيا أحسن ان الواحد سايبها
.........................
انتهى الحوار .......انتهي الكلام كلام تاجر مخدرات .....قدر لي ان اشاهد احلامه وطموحه في البدلة الحمرا احلام قد يكتب لها ان تتحقق وقد يكتب لها الذبول ككل أحلامنا الصغار .....انا لم استطع الرد عليه ..... لماذا لم يطلب احد طلب احاطة عن هذا الوزير ؟ أم ان مجلس الشعب اصبح ملاكي هو الآخر
انا لا ألوم هذا الرجل على كلامه لكنه مذنب بكل الأشكال والصور وانا لا اتعاطف مع المذنب لا اتعاطف مع شخص على موعد مع العدالة التي لا تقبل المهادنة عدالة رحيمة عدالة السماء .....فماذا عن عدالة الأرض ؟؟؟؟؟؟؟
اعتقد أمامها الكثير والكثير هناك من يتاجرون بأحلام الشباب وطموحات تلك الأرض ..... الشعب والوطن في خدمة السلطة شعار جديد استنه اصحاب النفوذ القوي والسلطة العليا شعار اعتبرت مصر فيه حقل تجارب لتجارة هؤلاء المارقين والمتاجرين بأحلامنا وأقواتنا وحتى لا ننتهي بالبدلة الحمراء نلتمس طلب احاطة من كل مسئول ...
طلب احاطة عما اصاب هذا الشعب الجميل
