مرحبا

مدونتي هى انعكاس حالتي المزاجية همومي واحلامي التي لم تظهر للنور بعد
هواياتي ، دموعي التي أخشى أن يراها الآخرون
معاناتي مع نفسي ومع الاخرين




هل لا نزل نفتؤا نذكر فلسطين والعراق والمستضعفين في الأرض من المسلمين؟

حتى لا ننسى في زحمة الحياة..

الاثنين، ٢ مارس ٢٠٠٩

امبارح كان عمرى ...سنة

الصورة منقولة من مدونة كارتونيا (ياسر حسين)


امبارح كان عمري سنة ....
شعري الصغنن
والعيون البكيا باينة في الصور....

ماما تحط ايديها في اديا
ومن ورايا بتسندني ...
من غير ما حس...

طلعت اديها في صورتي
نمت و في حضني
صورتي

وقتها كان عندي من عمري
كتير
فوق السنة
لأ قول سنين فوق السنة

كبر كلامي معايا وهمومي
دايرة وراية تغسل لي في هدومي

معايا في سكوتي
وفي صدي صوتي

تطمني ...
حتى في بكايا
ومن بعيد
بتسمعني

يدق قلبي وقلبها معايا
عايشة على الدقة اللي منه جوايا

تخاف تسبني
ازعل
وتخاف تقرب الا تزعجني
بحبك يا احلى من انك
حببتي انك نبض قلبي
ودمي وفي همي
ضاعت سنين عمرك

بحبك
يا إلهامي
يا شعري
يا حلو أيامي

بحبك
يا كل نقطة دم
في عروقي
يا سندي
اللي بيشد من ازري

يا نوري
لما الشتا يدق بابي
من بدري
وتهرب شمسي من قلبي
وتسيبني لبرد الليل

تدفيني

عندي دلوقتي من السنين أكثر
ومن الهموم أكبر
من أني اتحمل
وبتشيلي معايا يا أمي!!

طب قوليلي
ومين انتي يشيل همك

وبضحك
تضحكي والألم ساكن هنا حضنك

وبعيونك تناديني
وباديكي تحوطيني

بحبك
انت يا أمي
يا سهرانة
على ألمي وأفراحي

نامي يا لا وارتاحي
اواني اني اشيل همك

دعاء المحراب