مرحبا

مدونتي هى انعكاس حالتي المزاجية همومي واحلامي التي لم تظهر للنور بعد
هواياتي ، دموعي التي أخشى أن يراها الآخرون
معاناتي مع نفسي ومع الاخرين




هل لا نزل نفتؤا نذكر فلسطين والعراق والمستضعفين في الأرض من المسلمين؟

حتى لا ننسى في زحمة الحياة..

الاثنين، ٢٨ يوليو ٢٠٠٨

مممدوح اسماعيل براءة .....

الناس اللي كانوا على العبارة هم اللي كانوا طفسين بياكلوا كتير تقلوا السفينة فيستاهلوا الغرق...
ممدوح إسماعيل الذي صدر قرار منعه من السفر بعد أن سافر ....واعتقل أيمن نور وهو لا يزال يتمتع بحصانة مجلس الشعب
ممدوح اسماعيل ...الذي تسبب بعباراته المنتهية الصلاحية في غرق ملايين المصريين في البحر الأحمر على مدار العشرة سنوات المنصرمة...
ولنلقي نظرة على القائمة السوداء (البانار المتحرك اعلاه) منذ 92 سالم اكسبريس... هذا غير محاولات باءت بالفشل ونجت السفينة بمن عليها...
كذاب من يقول أن ممدوح اسماعيل دفع تعويضات للمتضررين ...هم لا يريدون نقودا .. هم فقط يريدون ذويهم...
أمهات ثكلي ..واسر فقدوا العائل الوحيد لهم....وزوجات ترملت ...وأطفال ذاقوا طعم اليتم باكراً

يــــــــــــــــــــــــــــــوتوبـــــبيا
حقا هي يوتوبيا ...
أبناء المحترمين إذا أصابهم مكروه قمت الدنيا ولم تقعد لأن (أنت مش عارف أنا ابن مين)
هما مين واحنا مين؟!!
هما الامرا والسلاطين...
هما المال والحكم معاهم ..
واحنا فقرا ومحكومين
**************
لا تتذمر إن سمعت الخبر السابق فأنت طبعاً في مصر
وإبن مصر...
ومتمرمغ في خير مصر...
فمن حق مصر عليك ...
ما تقولش ايه اديتنا مصر...
وفقط تقول...حندي ايه لمصر...
حقا حنديها ايه كمان ؟!!!
أولادنا...؟ ماتوا على الحدود وفي سنا وفي البحر هربا من الوضع المظلم
وفي الآخر طلعوا الجانيين
ما هم سابوا العز ...العز هه
وأكل الوز...والفراولة ..الي قد البطيخة..
حتى الفراولة ..نفخت ...
اباءنا ؟؟؟اللي راحوا في حرب الجزائر واليمن
ويا ليتهم بيذكرونا بخير...
ولا اللي راحوا في 67؟؟؟
في وكسة 67 اللي مصريين يقولوا عليها نكسة
يا خي بلا وكسة
ولا ابنائنا وخواتنا وولادنا اللي راح دمهم حدر بعد ما حاربوا وماتوا
وطلعوا اليهود من سينا بزفة عسكري
عادي خااااااااااااااااالص
دخلواها اليهود تاني بس بزي مدني
ومن غير تعب ولا يحزنون
وسلملي ع الكويز يا سلطان
ولا ولادنا اللي علمناهم وطفحنا الدم عليهم
وطلعوا مثل الحمار يحمل أسفارا؟
ولا اللي انتحروا مننا في الثانوية العامة
وكل سنة بيزيدوا
حندي ايه تاني يا مصر؟؟؟؟
هما الامرا والسلاطين
هما الفيلا والعربيه والنساوين المتنقيه..
طبعاً حيوانات استهلاكيه
شغلتهم حشو المصارين
يــــــــوتـــــــــوبيــــــــــــــا
لما ياخد ممدوح اسماعيل براءة كده كل مرة ؟.
يبقى مين يا ولاد التيييييييييييت اللي متورط فيكم في الصفقة التيييييييييييت
اكيد أنا اللي غرقت العبارة
ما هو ما فيش غيري
يا إما البحر الأحمر هو اللي غلطان
زي حدوتة 92 الشعاب المرجانية قسمت السفينة اتنين
على أساس أن الربان معهوش خارطة طريق
والمرة دي الربان اللي كان معدي جنبهم هو اللي غلطان
هو اللي أمرك ع السفينة ف غرقت
ربنا يبتليكم بمصيبة
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا ف كل مدارها
منتصرين او منكسرين
والشهود دول الناجين ؟
أمال فين اللي احتجزتوهم ...
بعد ما نجوا ..
ومنين عرفتوا انهم كانوا راكبين ع السفينة أصلا
ومين دراني انهم مش شخصيات تانية ومنتحلين صفة الي ماتوا ؟
لو عاوزين شهود يبقى اللي حابسينهم يا حكومة
اللي اول ما اهليهم راحوا يسألوا عليهم قالولهم ولادكو ماتوا
أمال اللي كلمني دا مين شبح؟
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعا استيكه
بس البركه فى النياشين
موتونا غرقانين
من غير دفنة لائقة
ارواحنا ستؤرقكم وتفض مضاجعكم
حسبي الله ونعم الوكيل

دعاء المحراب