النهاردة ...عيد ميلاد مدونتي
النهاردة..يمر عام عليا وأنا بدون
اتعلمت حاجات كتير ..
غيرت في مدونتي حاجات كتير
لكن اللي متغيرش ..هو حبي ليكي يا مدونتي
افتكر لما كنت بدون قبلها بحوالي سنة
كنت بدون على الناشر الالكتروني
وبهذه المناسبة احب اذكر كل الناس الل تعرفني او ماتعرفنيش
أنا مين؟
أنا د.منوسي
زميل أبو قراط من ايام ما كان اسمه ابو قيراطين
قبل ما يبيع قراط منهم على العلم
كنا طلبة عند أبو فدان
وكان ابن سينا اكبر مننا بسنة
من تلامذة د.منوسي
فتحي دبدوب...دا اكن اللي فيهم
حسنى دمج اصله كان تخصص دمج رقبة
الدكتور منوسي حاصل على زمالة من الجامعة المريخية للطب الفضائي
وهو في الواقع فضائي جدا
وما وراهوش اللا المدونة دي
النهاردة عيد ميلادي الأول
احب اقول لمدونتي بهذه المناسبة
أنت أحلى حاجة حصلتلي من
من سنين
ليكي انت باخدني الحنين
ساعات بتوه جواكي وساعات
جوايا بتوهي
ساعات كمان اكرهك
وساعات تصديني
من ألمي بهرب لك
تضميني
وتلملميني
كلام وسطور
وفي قلبك تشيليني
يا حروف وخداني من ناسي
ومن نفسي
ومن فرحي واحزاني
بحبك انت ابني البكر
ومرسايا
وعنواني
يا ترى بعد سنين
حتفضلي برضه فاكراني
وعشان ما نرحش في داهية
الكلام اللي فات طبعا هزار في هزار وكنت بقولوا على نفسي
حبيت اضحكم شوية
هناك تعليقان (٢):
ياااااه
كل سنة وانتى ومدونتك بخير
حقيقى وبدون مجاملة
انتى من اجمل الشخصيات اللى تعرفنا عليها من خلال عالم التدوين
ولا اذكى على الله احدا
ربنا يكرمك
تحياتى وتقديرى
احمد
دا كتير والله عليا يا خالو
الله يخليك
جزاك الله كل خير
إرسال تعليق