ارحمنا .. عشان ربنا يرحمك...

سيادة محافظ النص الشمالي...

من الكرة الأرضية ،،

بعد التحية...

الرحمة حلوة ،،، وتجوز على الحي والميت واللي ساكن الحتة دية ...

في النص الشمالي الشرقي من الكرة الأرضية...

ممكن أسألك سعادتك سؤال قليل الأدب ؟

هو النفق الغلبان مين اللي شقلطة..ومين كمان سياتك من الجناب شلفطة...

ومين برضه سعادتك اللي بوظ خلقته؟

وبعديها تاني يوم صلح غلطته؟؟

طب ممكن كمان سؤال؟؟

هو التكاليف سعادتك؟؟

بتدفع من مين؟؟يعني من الضرايب ؟ والا الحساب عليك؟

إذا الموضوع كذلك يبقى حرام عليك...

دا اللي يعوزة المحافظ يحرم عليينا يا بيه...

واللي في جيب سعادتك لازم تخليه ...

يحرم علينا مالك ...ومالنا حرام عليك......

الأرض كل يوم نلاقيهم سفلتوها...

تاني يوم سياتك...بطنها طلعوها...

والجناين سيادتك ...منين ميشفوها...

طرحت ورودها على طول يقلبوها ...

ألا معنداكش فكره على فين بيشونوها؟؟؟؟

وتاني يوم سياتك بالرملة يلغمطوها...

أول ما تطرح ورد تاني يقلبوها؟؟؟

وبعدين الكباري تمام بيصلحوها ...

لكن حرام سعادتك ...منها يحرمونا...

أنا أول أمبارح ماشي في الطريق ...

عند المحطةإياها ...ولقيت كوبري شيك...

قلت يا واد لما تطلع خليك واد نشيط...

لقيت الكوبري فوق..محطوط عليه حراسه...

يكونش مد ايده...وحاجزة عليه النيابه؟؟

وكل ما أسأل... الكوبري ليه مقفول...

يقولوا ارجع لعقك ولوف ويا السور...

ألا قلي يا بيه السور ماله طويل؟؟؟

واخد طول الرصيف ومن راسه لرجليه...

كل أما أعدي منه أقول يارب منه ...

الرحمة برضوا حلوه...

وتجوز على الحيين ...

مش بس الميتين....

وبمناسبة الميتين ..

فاكر زمان سعاتك السور اللي كان مهجور ...

والنحيا التانية منه قفولها وحطوا سور...

وكل اما اجي اقرب .. يقولوا يالا جرب ...

وأحنا نجيب الساطور...

أنا داخل بس ابص ..زي الحلوة اللي جوا...

اللي لابسه المحزق ومعاها أحلي بوص...

يقولولي يالا غور...

مش جحا اولى برضه بلحم المرحوم؟؟؟

يكونش دا قريبهم ...؟

أكيد من بلادهم....

بس دا جوه الحدود...

ولا بلاها نكد وتعالا معايا زور بيوت النظافة ...قصدي قصور الثقافة ...

بقيت زي القبور ..

والقايمة لسه فيها ميادين بره المحيط ...

وطريق ما بينا وبين الساحل البعيد...

حرام عليك يا بيه احنا حلنا اتسلق ...

ومراكبنا الجميلة شراعها انفلق...

ارجوك يا سيدنا فتح ....

بلدنا حالها حال

بلاش تفضحونا وتقولوا الحالة عال...

أقولك ريحونا ...

وربوا انتوا العيال.......