خبر إنشاء الجامعات الخاصة يطل علينا كل يوم بلا رقيب ....التعليم المجاني أصبح وهم كبير ومرادف للأمية ...التعليم الخاص يعني تتعلم اللي على مزاجك وبفلوسك وتقدر كمان يكون لك شهادة معتمدة تطلع بره تشتغل بيها وكل دا بفلوسك التعليم الخاص هو الذي يفتح له أبواب العمل يعني ما كفناش الواسطة ..لأ حطينا عليها كمان الجامعة الخاصة ...علشان لما تكتب السي في تقول انا خريج جامعة كذا يعني من الاخر أنت ابن ناس وإحنا....مين وهما مين؟
هما مين و إ حنا مين .. ؟
هما الأمرا و السلاطين ..
هما المال و الحكم معاهم ..
و إحنا الفقرا المحرومين
.. إحنا الفعلا البنايين
إحنا السنة و إحنا الفرض
إحنا الناس بالطول و العرض من عافيتنا تقوم الارض ..
و عرقنا يخضر بساتين
حزر فزر شغل مخك شوف مين فينا بيخدم مين ..؟؟!!
حزر فزر شغّـل مخك شوف مين فينا بيحكم مين ؟!!
طب تصدقوا والله أنا شفت قبل كده واحد كاتب أنه من أعضاء النادي الفلاني ..نادي ذواتي خالص ..والتانية كتب انها من خريجي مدارس ......!ودي مدارس بتدرس انجليزي وفرنساوي من رابعة ابتدائي ...
ونقول ليه فقد الشباب هويته؟
-طيب ممكن أسأل سؤال هو فيه دلوقتي حد ممكن يشغل حد لأن لغته العربية كويسة ..ليس إن كان مراجع لغة أو مصحح
-الجواب طبعا لآ أول سؤال لغتك الانجليزية أخبارها إيه؟ معاك كام لغة غيرها
ولاحظوا هنا كلمة لغتك ؟ أي أضحت اللغة الانجليزية هي اللغة الأم .
ولا عزاء للغتنا العربية
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت بالاوتوبيسات
هما حياتهم بامب جميلة
هما فصيلة و إحنا فصيلة
ليست هناك تعليقات:
إرسال تعليق