الأول : أزيك يارجال وأزى أبوك ان شاء الله صحته بقت كويسة
بقى لنا كثير مشفنهوش
التاني : انا كويس بس أبويا مات
الأول : سبحان الله انا عارف أنه كان عنده القلب يالله ..الله يرحمه
التاني : مين قال انه مات هو ما ماتش من القلب
الأول : طيب إزاى مات
التاني : الله يرحمه بآخر حياته نظره ضعف شوية وبعدين طلع
البلكونه ما شافش الحرف وقع، وأنت عارف شقتنا
فى الدور الثالث
الأول : ياه دى موتة صعبة أوى ، الله يرحمه
التاني : مين قال انه مات ... دة احنا أتعذبنا معاه كتير وعملنا له يجى 12 عملية وبعدين بقى كويس
الأول : طيب إزاى مات ياراجل
التاني : وهو ماشى بعكازه بيعدى الشارع عربية ماشية بسرعة
خبطته
الأول : ياه ياه ... الله يرحمه
التاني : مين قال انه مات .. ربك رحيم كان فيه جار لنا حطه بعربيته ولحقه على المستشفى بس النزيف الداخلي كان رهيب
الأول : الله يرحمه كدة بقى مات
التاني : مين قال انه مات .. على طول سفرناه على اسبانيا وقعدنا 6 أشهر نعالج فيه والحمد لله تحسن
الأول : طيب مات من أيه بقى
التاني : أبداً جاء له فشل كلوي حاد وقعدنا ندور على متبرع
كلية وتأخرنا أوى لغاية ما جه له تسمم
الأول : الله يرحمه .. كدة بقى مات
التاني : مين قال انه مات .. بالصدفة جه لنا شخص بيعرفه من زمان فقام تبرع له بالكلية المطلوبة
الأول : طيب مات من أيه بقى
التاني : مرة كان فى البيت وهو قاعد ما آخذش باله أن الغاز
بيتسرب فأحترقت الشقة كلها وهو فيها
الأول : يالطيف على الموتة دى .. الله يرحمه بقى
التاني : مين قال انه مات .. جارنا الله يجازيه الخير كسر باب البيت ولحقه بآخــــــــر لحظة
الأول : ياعم فى عرضك فى طولك ... أمال مات إزاى
التاني : أبداً آخر مازهقنا اضطرينا نطخه بالنار !!!!!!!!!!
ليست هناك تعليقات:
إرسال تعليق