اهلا بكم ....
وحشتوني اتصوروا ؟!!!!!!!!!!!
الحقلة الثانية
ايه هو التيلجايتينج دا؟ مصلح بيقولوه البريطانيين على العربيات وهي ماشية لازقة في بعض زي اللي ماسك في ديل اخوه ...
اما الاسعاف الظائر : فهو مشروع اينعم حق مشروع في كل الدول إلا الدول العربية من عينة مصر (ما تلاقيش مثالها ...ست كل عصر ...عصر القصب ...البرسيم ...الشعير .....البني آدمين )
قناة
ايه علاقه ما تقدم على ما هو آت؟!
الحكاية ان انا واحد كما اتفقنا سابقا من الطبقة العاملة طريقي محطة .. بشر (صطلح يطلقه سائقي عربيات طريق محطة مصر ... سيدي بشر)
الموضوع وما فيه ان قناة الناشيونال جيوجرافيك ... عرضت من كام يوم برنامج عن الانفاق وكيفية ادارتها ساعة الكوارث (لأ مفتحوش حساب في البنك يا خفيف)
عملوا حادثة اينعم افتعلوا حادثة...وشافوا ازاي السيفتي اللي منوط بيهم (حلوة منوط) حفظ الامن في النفقممكن يلاحظوا الخلل في اد ايه؟ ويعملوا ايه؟ والاسعاف توصل امتى وعرضوا صور لأنفاق حدث فيها ما لا يحمد عقباه وكيف ان اللي بنوا بعد كده تحاسوا مثل هذه الامر يعني عملوا فتحات للخروج كل 100متر عبارة عن سلم يصل بالدور العلوي.... ماعلينا المهم ان فكرتهم في افتعال حادثة وكشف اي خلل في السيستم الامني خلاني معجبة بالفكرة
سكة ابوقير ....بلاث الثكة دي يا سااااامح
وانا قاعد في المشروع اي الميكروباص بالاسكندراني (اصل اسمه كان مشروع السرفيس لخدمة المواطنين ... صوت يا فاروق يا شوشة على اللغة المدسوسة)
دايما بسرح في شكل العربيات اللي لازقة في بعض وشكلها في حالة اعياء تام وبعضها جديد نوفي ...واعذروني لبواختي ...لو عربية من دولحصل فيها مشكلة ... ازاي ممكن نننقذ الناس اللي فيها؟!! في ظل اللزقة اللي العربيات فيها طب لو قدر المولى عزوجل ان حريق خصل ازاي نضمن ان الحريق لا يتنقل للعربيات التانية ...
ازاي نضمن ان الاسعاف الل ي بيموت فيه الناس علشان وقفوا في الاشارة يوصل للمصابين
طب ايه مشكلة الاسعاف الطائر .. يعني امريكا احسن من اللي خلفونا ولا ايه؟
مش دا احسن في ظل ظروف التيلجيتينج والحشر السياراتي اللي احنا فيه ؟!
وكمان حيوفروقت ...فبدل ما يموت الناس في الطريق علشان الاسعاف مش عارفة توصلهم ... ممكن الاسعاف الطائر يطير لحد عندهم
وكمان حيوفروقت ...فبدل ما يموت الناس في الطريق علشان الاسعاف مش عارفة توصلهم ... ممكن الاسعاف الطائر يطير لحد عندهم
واضح اني بأذن في مالطة .... بس عموما اشمعنى انا يعني اللي حيأس ؟ ما اديسون ابتدى بحلم ووالت ديزني بفار وانا بشارع ابوقير يبقى كده ما فيش حد احسن من حد....هاريش؟ هاريش .... وحتقولهوملي نيللي ... نيللي .... حقولك كان زمااااااااان...
الاسعاف الطائر ضرورة وعدم التصاق العربيات ضرورة وتعني بالضرورة ان احنا ننزل الظبابيط -جمع ظبوط- الحليوة دولن يقفوا في شارع ابوقير حتى عشان لما الواحد يتاخد رخصة ...يسعى جاهدا انه يجيبها.... وبالمرة يبقى وش حلو كده ع الصبح بدل خميرة العكننة ..
كل ظبوط امور يقف في اشارة مهمته المحافظة على الطريق من انحشار العربيات اللي لا يؤدي الا تأخير الواحد وخلاص ....
مهمتة انه يفحص بعين الخبير كده اي مركبة مش مطابقة للأمن واحد مش حاطط طفاية حريق مليانة....واحد حاطط الحزام كده ع الفاضي مش رابطه....واحد مركب 4 في الكنبة اللي ورا اللي ما تخدش تلاتة من عينتي حتة ...العربية مش مطلعة سحابة عادم زي اتوبيس كاستور اللي بيمشي بالجاز....
واخيرا الناس اللي مش لا قيه حته تعدي منها يعني بيعدوا والاشارة فاتحة لأن بعض الاشارات مفتوحة من الناحيتين ...ع البحري
زي كيليوباترا كله في بعضه وناس جاية في وش ناس تانية ....استر يا رب ....
كلام معقول ........معقول
وسلملي على ام قير لو سمحت ...
د.منوسي طالع عينه في ابوقير
