يوميات منوسي في شارع ابو قير (1)

أمن و ...نتااااااانة......
بصوا بقى أنا كنت ناوي امشي المدونة إنها مدونة بتاعة كله ....
اللي يحب يضحك ..وماله موجود.......
بيحب الشعر تلاقي ...
آلان بو ..ميضرش ...
تدوينة بالانغليش وواحدة فرينش .... عادي
وشوية سياسة برضه....
بس على خفيف قوي (سياسة المشي جوة الحيط ...احسن م العزق في الغيط)
بس النهاردة احب اسجل اعترافي ان البلدي بنت ستين هوهو ....
وحتعرفوا ليه،،،،،،،،،،،

النهاردة أو يوم في الدراسة بعد اجازة نصف العام ... اخوكو كما تعلمون من الطبقة العاملة الكادحة ...
استيقظت عالعدة من نومي مبكراً جداً (عملاً بنصيحة الواد حمو الصايع...نام وارتاح يأتيك النجاح)
الثامنة إلا الربع ...والمحمول بتاع اخوكو من الطراز العتيق جدا ماركة ( اللي يحب نوكيا يزق)فضل يزيق ويبزيق لحد ما قمت
والله انا صعبان عليا أمي بتشوف الوشوش دي ازاي الصبح ... تفتكروا دا ليه علاقة بألم معدتها؟
ما علينا ... دخلت طسيت وشي بشويتين ميه واصتبحت بصوت حنفيات العمارة اللي زي سارينة المطافي هووووووعوووووووخررررررررررررشششششششششسسسسسسسسسسسسس
دا صوت الحنفية ... خرجت ضربت الحتة الل(لا مش البت بتاعتي ...نيتكواوحشة)الحتة اللي ع الحبل
نزلت من البيت ..الذي يقع على شارع محرم بك مباشرة -استر يا رب- وقفت استنى زي الناس
ايه النوايا السودة دي ع الصبح استني زي الناس مش بعمل زي الناس ....
المهم استنى المشروع الصغنن ما جاش... 6اكتوبر ؟ ماتلاقيش.....طب العاشر من رمضان ... طب هرم أبوالهول...أمة ...خالته.....
ما في حس ولا خبر ...قلت هيه اسطباحة زي الفل ...
مشيت باتجاه محطة مصر عل وعسى الاقي حاجة توديني ابو قير.......ابدا...مشيت ..مشيت... وسط الزحام ... لحد الاسكندراني .
عارفين وانا ماشي لقيت اتوبيس هرم ... قلت فلة اشطات حنترحم من الوقفة اللي شبة طابور الجمعية الله يمسيه بالخير يوم ما يكون في سكر
... لكن هيهات عم السواق الامور ام زايغ من ورا الترا م ..... بلد بنت ستين كل ....اه انا قلت كده الصبح .....واستغفر الله العظيم ....
بس بجد الرحمة مطلوبة يا ولاد#@...ّ!!
الانكى بقى ان ركبت من سواق مشروع عربيتة تصلح ان تكون خردة ومثال لملوثات البيئة في المتحف البيئي لو عندن واحد يعني ..
ركبت جنبه والدخان طالع من كل حته في العربية .. ميل على صاحبة في العربية التانية
السواق 2:مالها الدخانة دي؟
سواق 1: اصل الغطا بتاع الزيت كل ما تجيبله جوان ما فيش فايدة اساسا الجنط مش مظبوط فبيوقع الزيت على الفرن !!!!!!!!
انا: فغرت فاهي ( يعني فتحت بقى حتى سالت ريالتي) فرن ؟ زيت؟ استر يار ب
مشيت مشيت وسط الزحام (واضح ان عبد الحليم كان بيغنيها وهو ماشي في شارع ابوقير)وعند اشارة كليوبطة وعيندك ما تشوف الا الزبادي (جهينه لو سمحت) وقفت هنالك كثيرا ... حتى ظننت الا تلاقيا مع اصحابي في العمل.. بكسر اللام الاخيرة
ثم ؟.... هي فيها ثم دي فعلا بلد بنت هوهو انا اركب والدخان دا كله في وشي ؟
مش عارف ليه حاضرني مشهد أحمد حلمي في ظرف طارق لما الظابط وقفه ... قاله ليه...أمن ومتانه ...
أحمدحلمي سمعها نتانه ...سأله باسبهلال ؟؟؟؟انتوا بتفتشوا على النتانه كمااااااان؟
والله ياريت حتى نترحم من العربيات اللي بتطلع جاز وزيت وبنزين وكمان ....روايح الرجلييييييييييييين.....
اسيبكوا بقى ...مع الحلقة القادمة ...
تايلجييتينج & والاسعاف الطائر

يوميات نوسي في ابوقير...