وحشتوني موووووووووووووووووت

سلام عليكم ورحمة الله وبركاته

بجد وحشتوني موووووووت
بقالي كتير مش عارفة اكتب ، يمكن لأن حاجات كتير حصلتلي في الفترة دي
يمكن لأني اكتشفت حاجات في نفسي
يمكن لأن الأوضاع برضه كان في البلد مش ولا بد ؟؟؟
يمكن ويمكن بس المهم اني رجعت لكم

اتكلم عن ايه ؟
عن البنات اللي ماتوا في جامعة الأزهر؟
عن رغيف العيش اللي بقى الحصول عليه اندر من الزيبق الأحمر ؟
ناهيك عن عدم أهليتة صحيا وجدواه غذائيا
اتكلم عن الوجبات السريعة التي فرضتها علينا الحياة السريعة وعدم توافر الوقت للفطور أو الغداء
حتى تقلصت وجبة العشاء لتصير بسكويت وشاي
والا اتكلم عن عمل المرأة للي صدعونا بيه أعداءنا وأعداء المرأة ؟
ولا معانتها كل يوم علشان تركب والغلاسات في المواصلات ورزالة الجنس الثالث حتما ليسوا رجال ؟
ولا اكلمكم احسن عن 1000مصنع اللي تقرر انشاؤهم جديد؟
ولا بلاش سياسة
خليني اكلمكم عن نفسي النهاردة يعني المود بتاعي اللي اصبح مش ولا بد

بقالي يومين نفسي أنام بجد نفسي أنام
يوم الأحد رجعت من شغلي لقيت ناس اقربائي عندنا
والأطفال الحلوين الجمال اصروا على اللعب مع طنط
:(
وطنط عاوزة تنام واقراص الحساسية اللي مكتوب عليها
لا تسبب النعاس
ما لقيتش غيري علسان تخير خصائصها معاه
والنوم سلطان
وهما مصريين على اللعب
امشي عنه روحي للدبة نانو
دي تخينة وتستحمل عنه
يا سلام
يعني كل ذنب الدبة نانو انها تخينة
ما شي يا ست عفاف راضي
وما بين جدو علي وعاوزة البنتبراش يا طنت
وعاوزة الاغنية دي يا طنط
لحد ما فوت خالص
وكان حلم طنت وقتها تنام
حد شاف توم وجيري لما توماس كا بدو ينعسلوا شويتين
اللي شاف الميديا حيتخيل احساسي دا
تاني يوم
الشغل ثم الرجوع للبيت متأخرة
صلة المغرب والعشاء ثم
مشوار صغيووووووووووور
لحد واحدة صحبتي اخد منها الكمبيوتر بتاعها
اوديه لمهندس الكمبيوتر
وهي في الدور اسادس
اخدت الواد اخويا الكبير
وروحنا كما المغاوير
طلعت 6ادوار ونزلت بالCPUوطلعت تاني علشان اقعد مع الولاد الصغننين
دول غير الصغننين اللي في اول الصفحة بتوع الدبة نانو
رجعت على الساعة 9.30
لقت عصابة الدبة نانو في البيت
وعينك ما تشوف اللي النور ما نمتش الا الساعة 1.00
نفسي اشوفه اللي نادى بعمل المرأة

يوميات إمرأة مفروسة

د.منوسي

بكرة عيد ميلادي

فكرتوا حتجبولي ايه؟

بكره يبقى تقص من عمري سنة

عارفين ليه؟

لأنه بعرف الدنيا زاد سنة

لكنه قلل من عمري المكتوب سنة

سنين ورا سنين

اتغيرت فيهم حاجات كتير

البيت القديم

والشارع الواسع ضاق

والناس الطيبيين منهم اللي عايش ومنهم اللي مات

السنة دي غير كل سنة

السنة دي انا عملت فيها حاجة كويسة

ممكن تخليني احس بفخر

ومش حقولها طبعا

لحسن حد يحسدني عليها

عرفت حاجات كتير

واتأكدت أن الناس ما فيش في دماغها اللي المناصب والفلوس

يعني يا تبقي وزير

يا تبقي ملياردير

وعششت الفكرة دي في يافوخي

وفهمت نفسي أني فاهمة الدنيا والناس كويس ومش ممكن انجرح من حد

مهما كان السبب

وكنت أغبى انسانة

في سني ده

اتخدع

واغلط

واتهزأ

ويلعب بيا شوية ناس الكورة

اه يا دنيا مغرورة

الفاشل فيكي موهوب

والحرامي فيكي حدق

والشريف أصبح عبيط

والواطي طلع فوق

يبقى انا لازم افوق

ومناسبة يوم ميلادي دي حلوة قوي علشان افوق

عموما انا مش بحتفل بيه كل سنة زي الناس ولا حاجة

لأن الاحتفال بيوم الميلاد حرام

بالشكل اللي احنا بنشوفة دا

لكن ممكن قوي

نصوم ونشكر المولى لأنه أمهلنا سنة كمان

عموما

انا نفسي في قطة

ممكن حد يجيبلي قطة شكلهاحلو

طب بلاش كاميرا فيديو ؟

ايه البخل دا

دا اديا اتقورت وانا بنقر على الكي بوورد في السقعة دي

خلوا عندكم دم وهاتولي قطة بقى

عموما

لو بكره ما جاش مش عارفة حيكون ايه موقفى

فاكرين اغنية رونان كيتن زمان

اف تمورو نفر كم ؟

لو بكره ما جاش ابدا

حتعرف ازاي اني بحبها

أمي طبعا

الوحيدة اللي في الدنيا بشتاق لها

وبحب اشوفها

واحب ضحكتها ...وضيها

ليها ضي لما بتضحك ولا تقرب عليا

وتاخدني في حضنها

بحبها

بجد

وبموت فيها

أمي اللي اعدت تولد فيها من الثلاثاء للجمعة

يبقى تستاهل تكون ست الحبايب ولا لا؟

اسالكم بق الدعوة ليها بصحة وعافية

ويخليها ليا

ويغفرلنا اجمعين

ويعفو عنا

اللهم آمين

و الحمد لله رب العالمين

كل سنة وأنت طيبة يا أمي

بلون الحب وبكل الحب بقولك كل عام وانت إلى ربنا أقرب

معلش السنة دي مش حقدر أحتفل معاكي يا أمي

علشان ببساطة عندي شغل

شفتي أندل من كده وأحقر من كده ياأمي ؟؟؟

سيبتك يوم ميلادك لوحدك

مع أنك ما سبتنيش أبدا يا عمري

بجد بحبك

بس مس عارف أقولك ايه

مش فاضيلك ؟

يا كل عمرك فضيتي نفسك فيه علشاني ؟

ياكل ألوان العذاب والألم شفتيهم علشان تربيني؟

حقولك إيه؟

ابنك خلاص بتخرف

بيموت ومش حاسس

جوايا الف آه

خايف تشوفيها

حلمي اكون لك

ابن بار يا أمي

بس الظروف

يوم ما تحكم

ع القلوب الخوف

يبقى عليه العوض يا أمي

الدموع حتجف

والقلوب حتموت

و الألم يزيد

والراحة تقل

ويلوح الموت من بعيد

شايفه

حاسس بيه

بس مش فيه

كل سنو أونتي يا أمي بخير

من غيري

من غير كل اللي تعبوكي

وفي عيشتك قرفوكي ومن الدموع

والألم سقوكي

كل عام وانتي يا أمي منن غيري

أحسن

وفي صحة أفضل

كل عام ] أمي وإنت أجمل حاجة في عمري

عمري للي ما لوش أول من ىخر

النهاردة إيه؟

كل يوم أسمع اللي معيا في الشغل السؤال ده لحد ما كرهوا نفسهم
النهاردة ايه؟
ممكن أسأل السؤال ده خماشر تمناشر مرة في اليوم
وكل مرة تعلو صيحات الاستنكار وهو يكررون تاريخ اليوم
هو في إيه؟
مالي بنسى الحاجات اليومية كده بصورة رهيبة ؟
يمكن لأني بكره الروتين؟
يعني أي حاجة بتتكرر كتير او كل يوم بمل منها
بحس ان نفسي اعمل زي البحر اقلب
واجدد شبابي
شبابي الذي لا ادري اين ذهب

ببقى ساعات نفسي اطنش
واكبر دماغي واروحش الشغل
والاقيني بتخيل القلعة في عز الشتا
و الدنيا تلج
وانا واقفة على الفيرودات / المقرنصات
الداخلات / شرفات القلعة
وابص تحت الاقي البحر ثاير
وبخبط الموج في الصخر كأنه بيفوقه
ساعتها بحس بحاجات كتير حلوة
وصح
وكأنه بيجدد فيا النفس والهوا اللي في صدري
ساعات انسى كلام لسه قايلاه
وساعات بفتكر اني قلت حاجات ونا مقلتهاش
غريبة قوي الدنيا معايا
وساعات اهرب من كل اللي في دماغي
وابني قصور في الاحلام
لا تلبث ان تنهد على دماغي المبجل
مع أول ندا
يا دكتور
او يا منوسي
او ساعة الدلال بقه يا نوسي
بس لا زلت مش فاهمة ولا اللي حواليا فاهمين سر
هذا السؤال السرمدي
هو النهارده إيه؟
صحيح قولولي هو النهاردة ايه؟

أين أنت يا روميو؟

أين أنت يا روميو؟

انتظرتك كثيرا

حتى ضج بيالآخرون

حلمت بك فإن أنت ؟

حائرة بين رسوم خيالي

افكر من أنت ؟

أهذا الشاب الحائر

الذي قابلته يوما في الحانة؟

أأنت هو؟

أم أنت صديقي المثقف

ربيب القلم والادباء؟

حيرتي معك

يا روميو؟

أين أنت ؟

برغم كل الليالي التي

قضيتها لفكر فيك

احلم بك

برغم كل مآسى الماضى

والتماع الحاضر البارق

والخوف من القادم

وحدي

برغم انك وعدتني

ورجوتني الانتظار

لم تأتي؟

وكيف أعرفك إن أتيت يا روميو؟

في زمن ليس فيه ورد أحمر

ولا قيثارة

ولا فرس أصيل

كيف أعرفك يا روميو؟

وقد انتهى زمن العشق الجميل

كيف أعرفك ؟

وانت لا تزال تذكرني أنك قريب

وكل من حولي من قريب

فمن انت فيهم يا روميو؟

تحية ..إلى ناجي العلي

كاريكاتير ناجي العلي

تحية ..إلى ناجي العلي

كاريكاتير ناجي العلي

لماذا اخترت الإسلام ديناً ؟

أو بمعنى آخر؟

ماذا يعني لك الإسلام؟

يسرني تلقي ردودكم

وسوف أوالى نشرها بإذن الله؟

على نفس الصفحة باعتبارة موضوع متجدد

قل لنا لماذا اخترت الإسلام دينا؟

Why you chose Islam as a religion for you?

what is the most things you loved in this religion?

مستشفى سرطان الأطفال

مستشفى سرطان الأطفال

المشروع الذ حاز اعجاب الجميع

واجتمع عليه آلاف الكتاب والمفكرين

انه المشروع الناجح الوحيد

الذي لا يختلف عليه اثنين

طب انا مش من الاثنين دول انا واحد تالت خالص ومعترض

واحد بتاع مشاكل بقه

ومبيعجبنيش العجب ولا الصيام

يوم السبت لوحده

علشان حرام

لكل من يعرف هذا العمل الجماعي

تعالوا نحسب من يوم ما قالوا المستشفى ده جيتبني لحد الآن

اتكلف كام

يا سيادة المفكريين

انا مش من اللي ما لقاش في الورد عيب

انا بفكركم بس انا واحدة من اللي اتبرعوا ولو بجنيه

واصحابي من اللي لموا التبرعات

باللي تقدر عليه

يجي من حوالي 10سنين أو أكثر

لحد دلوقتي تبرعات بالملايين

محمد منير وهو من الناس اللي ليها فكر وايدلوجية - معرفش معناها بس كل ما يعملوا معاه لقاء يقولوهالوه- قال احنا محتاجين حد يقول لنا

احنا خلصنا كذا وعاوزين كذا يعني خلصنا الكراسي والسراير عاوزين مسامير بكذا

وقتها عجبني الكلام دا وحسيت انه كده ممكن الواحد يتبرع باللي يقدر عليه فعلا

بمسامير بكراسي لو ورشة نجارة

ويتفقوا على اللستايل اللي حيتعمل

لكن ما حدث ككل مشاريعنا التي نفخر بها

بتتعمل في سنين وبمبالغ منعرفش منين ولفين ولموا كام

يعني لازم يبقى فيه احصائيات

مش يمكن يكون فاض يجي كده كام مليون

قوم ينفع نعمل بيهم مستشفى تانية بس قريبة شوية

ولا في مركز في وسط الفلاحيين أو في صعيد مصر

لكن ان مشاريعنا كلها تبقى كلام ولم فلوس والسلام

دي تبقى بالوظة مش مشاريع

لازم لما يقول وزير من الوزرا ان فيه المشروع الفلاني حيتعمل

يقول بميزانية كذا ومحتاج كام سنة وكل شهر يجيبوا الموقع اتعمل فيه ايه

ويتفتح للزيارة من الناس المهتمين

والجمعيات الأهلية

مش دا برضه مال دافعي الضرايب اللي همه الشعب؟

يعني الوزير مش دافع حاجة من جيبه

طب ايه رأيكم لو ما نعتمدش على المزانية العامة للدولة في كل حاجة ؟

يعني نوفر شوية؟ ولما الوزير من دول عاوز يعمل مشروع علشان يخدم الشعب

وعلشان يخلص من غلاستنا ولسان الشعب الطويل

يبقى يعلن رقم الحساب الفلاني لجمع التبرعات

وبنفس الطريقة

فاضلنا مسامير كراسي مكن طباعة فاضلنا أسمنت حديد بويات

واجمع من الشعب تبرعات

ويبقى اطبخي ياوزراة ...كلف ياشعب

ومش عيب ولا حرام

حتى في المشاريع الخدماتية

دا حيخلي الشعب اكثر حفاظا على ممتلكاته لأنه تعب في فلوسها وحس انها فلوسه وملكه

يبقى مش حيقدر يفرط فيها

حد فهم حاجة ؟
أيظن

ماشية

وحدي

ماشية

بدور في الظلام على نور

ومش شايفاه

لا قيتهم قبالي

في صورة

أو دول أصل ميهمش

خفت

هربت من نفسي

ونسيت كل أحوالي

فكرت أروح لسكه دانية

لقيت كل السكك قدامي

مسدودة

معرفتش أعمل إيه

قعدت في الظلام

افتكرك

لقيت الدنيا بتنور

بلون وردي

ولقيتك من بعيد

جايلي

وبصيت

جوه في عيونك

لقيتني

فرحت

وقربت منك

لقيت

بتبعد في الظلام عني

غريبة

مش عاويدك يعني

مديتلك اديه

لقيتك

بتبعد

وجرت

جريت على نفس خطاك

ووقفت

ولفيت تبص عليا

وضحكت

قربت تاني بعدت

خفت

لقيت النور بيبعد

ويلف من حواليك

والدنيا ضلمة عليا

والبرد شديد

ناديتك

خفت متسمعنيش

ومسمعتش

غير صدا

صوتي

وقبل ما اسيبك واهرب

قلت ما تنسينيش

دا اللي قدرت عليه

قلي مش بايدي

بس

ما تنسنيش

واختفت

صورتك من عنيا

قمت وجريت

على بيتنا الجميل

مريت

لقيت الشقة بردانة

وشبابيكها

عليها تراب

وخيوط عنكبوت

متشبكة

جيت افتحها

لقيت الدنيا نورت

وانت قصادي

بس مش انت

عرفت يومها

ليه قولتلي

ما تنسنيش

موناليزا

نفس النظرة من يجي كام مليون سنة

محيرة العاشقين

شاغلة بالهم

بيفكروا هي بتضحك لمين

ولا زعلانة اكمنها محبوسة

في صورة

زيت

ومش بتطل من شباك؟

زي باقي البنات ؟

ومسيبا شعرها

على كتفها

ومستنيه

ان الجيران

لما يعدي جنبها

يضحكلها

تضحك

من قلبها

بص يا خسارة

مافيش قلبها

اصلها

لوحة زيت

رسمها واحد

من غير ما يعرف رأيها

اكمنها

بتضحك

من قلبها

فكرها فرحانة

في حبسها

بقلم: رتوش سودا على لوحة بيضا

بكرة اللي في عيني يبقى في عنيك

نفس الممر دا شايفاه

في نفس الوقت

جوايا

بيحلم بنور

نفس الطريق ماشياه ومش شايفة

نهاية
نفس الحروف بتروح وتيجي

من لسان

للسان

نفس الوجوه

بتتكرر

نفس الملا مح القاسية

ونفس الصورة تقريبا

ومش بيأس

وبحلم

في يوم بنهاية للموقف

يدوا للضعيف السوط

ويضرب هو في الجلاد

واسمع صرخة بودني

آآهات

وامشي نفس الطريق تاني

نفس الممر

وتتغير

في الممر حاجات

ما كنتش واثقة بيها

في يوم ح تتغير

وابص للشمس

ومن نورها

احس بدفا

يمحي برد الليل

اللي زي السيل

ما كانس بينتهى

ولا بيطول سواده نهار

وافكر لما الممر

الحلو

دا يجمعنا

حقول ايه

حفكر في الوشوش دي إزاي ؟

وحعمل ايه ؟

مع اللي عارفة أنه يوم كان جلاد ؟

وحسمع ايه ما كل اللي في بقهم أنا سمعته زمان

من غيرهم

وكل اللي في ودني انا

سمعته

زمان منهم ومن غيرهم

كفاية كلام

وخلوني

امر من الممر دا وانا

فرحانة

وبهني

نفسي

اني النهاردة حضحي بالجلاد

واسمع

من الاهات اعداد

ومن الانات

انا معاكي يا تمر حنة ....

ماذا لو دارت عجلة الزمان إلى الوراء ؟؟ و قٌدر لكى أن تختارى زمنا ما للتوقف عنده.... تُرى أى زمن أيتها المرآة ستختارين و لماذا ؟؟؟ سؤال سُئلته و طُلب منى الأجابة عليه .....يا سلاااااام لو عدت .. فسأختار وبلا تفكير العودة إلى عصر الحريم ... و سأختار أن أكون السلطانه ...لا ست الدكتورة ولا الباشمهندزة ...مالها مولاتى؟ مالها ست الكل؟أنا و للآن مش فاهمة الغرض من نزولنا الشوارع و معاملتنا معاملة الرجالة ؟؟ هى دى المساواة؟؟ طب و ليه ؟ و هو احنا كنا أقل من الرجالة عشان نطالب بالمساواة معاهم؟كل واحد عنده مجاله و مضماره .. فالمرأة " المفروض يعنى" هى الحته الحلوة فى الأنسانية .. لها مقومات بيولوجية و نفسية و آنسانية متميزة تماما عن الرجل .. مين بس معتوه بيطالب بالمساواة؟؟ هى المرأة يعنى لم تنقش بحروف من كهربة فى التاريخ ؟؟ و دورها الأزلى فى رفعة الأوطان هامشى؟لآ واضح تماما ان نزول المرآة فى حلبة الرجال حسّن من وضعها و رفع من شأن البلاد ... واضح !!كل اللى حصل كمية لخبطة و قلب موازين مالهاش حل .. لا الرجالة ارتاحت ..ولا الستات هبطت..فبعد ما كنا هوانم بنستخدم هودج للأنتقال أصبحنا بنركب ميكروباصات و توكتوك ,, بعد ماكان اللى يرفع عينه عالبلكونة عشان يطل طلة ياخد علقة موت .. أصبحنا موديلز و اللى مايشترى يتفرج .. شفافية.زمان كانت الحرة حرة و العرة عرة .. كان فيه فرق .. دى هانم .. ودى ..... دلوقتى موضوع التفرقة بين الصنفين محتاج مجهود مرعب ..زمان كان الرجل فى حياة الست له وضع تانى .. مش عشان هو اللى بيصرف .. لأ .. عشان كان هو السند و الضهر و الأمان الحقيقى .. فكان من حقه ياخد المقابل من احترام و محبة و تقدير يمنعة من التصرف برعونة تجاه مراته و بيته .. أما الآن .. فكل مليم تضعه المرآة فى البيت يسلب أمامه درهم من احترام المرأة للرجل و قنطار حنق من الرجل على المرأة .. و بصورة لا ارادية يُشخِّص الرجل حنقه على المرأة فى صورة هروب من البيت .. عمليا و نفسيا ..و يبدآ "هو" فى التذمر ..و ممارسة ألوان القهر المختلفة على" هى" و هى مش ناقصاه .. فكل ماتبحث عنه هو سند و ظهر و وطن يحتويها .مين العبقرى اللى أقر بأن نزول المرأة الى الشوارع سيرفع من مستوى الأسرة؟
مين اللى أقر ان قعدة الستات عالقهاوى مع واحد شيشة تفاحة سيعلى من شأنها و تطاول رقبتها رقاب الذكور؟
مين اللى قال ان دخول المرأة مجال التمثيل و الغناء و الرقص سوف يثبت حضارة المجتمع الذى تنتمى اليه؟؟
مين اللى قال ان نزول المرأة مجلس الشعب و المحاكم و الوزارات لن يسحق أمامه أجيال بها أطفال و شباب و مراهقين بحاجة الى أم متواجدة واعية متيقظة .. تراقب و تحاسب و تطبب و تلملم جروح شتى؟
مين اللى قال ان وقوف المرأة فى موقع تبنى برج سكنى لن يهدم أمان طفلة مراهقة ليس لها سوى تلك الأم لتشكو و تبث لها حزنها و تبكى على قدميها و تحرم رضيع من ثدى أمه ؟
و للأسف... سيداتى آنساتى سادتى أصبحت المرأة خاضعة لكمية مهولة من الرجال دون بعلها : رئيسها .. زميلها .. العميل .. حتى عامل البوفية و سواق عربية المصلحة بدعوى "أكل العيش".. و عندما تعود مساءا للبيت .. هى ناقصاه هو كمان ؟؟ مش كفاية طول النهار موطيين لخلق الله ؟؟ و ليها حق يا سى الافندى ماهى بتصرف على عيالك ياوحش .. ألف هنا و شفا .. أوعى تفتح بقك ..و هنا يبدأ مسلسل النكد الأزلى : بتاع شغالين برة و جوة .. وهكذا تذبل المرأة و تنهار و تنبت لها لحية فى بعض الحالات ....أيها السيدات و الساده المرأة مرأة و الرجل.. رجل ..فى كل الحضارات و الأزمنة .. فالمرأة تلد و ترضع أولادها فى اقاليم دارفور و هامبشاير و نيو يورك سيتى و كوالا لامبور و السنبلاوين و ساوث كارولاينا ... منذ أيام ستنا حواء مرورا بالقوادم كليوباترا و زنوبيا و شجرة الدر و انتهاءا بالفضليات هيفا وهبى و ماريا و شاكيرا ..و قد أخدنا زمان فى الحساب اننا لا نستطيع جمع تفاحة و برتقالة لأختلاف طبيعتهما .. فالتفاحة تفاحة و البرتقالة برتقالة .. لكلٍ منهما خواصها و مزاياها و نكهتها الفريدة .. فاذا لم تكن هناك حاجة قهرية للعمل فلا داعى لعمل الفروت سالات .. فالتفاح يتأكسد و يتغير لونه اذاما انتنزعت قشرته و تعرض للهواء .شكرا على المساعدات القيمة و الأصوات التى تنادى بالمساواة و لكن ...عفوا نحن لسنا فى حاجة للمساواة فلسنا الأقل ولا الأدنى ..فالمرأة بطبيعتها حققت المعادلة الفيزيائية المستحيلة : ناعمة و قوية و كلها حنية .. و قد أثبتنا ذلك بالفعل و نازعنا الرجال فى كافة مجالاتهم .. ولكن لا نريد أن نصبح جنسا خشنا .. لا نريد أن تجف ضروعنا و تتيبس أرحامنا ..لا نريد أن يضل أولادنا .. لا نريد أن تخطى بناتنا .. لانريد أن تُجش أصواتنا .. لا نريد أن نتحلى بأربطة العنق .. لا نريد أن نصبح مسخا .
تحديث توضيحى لازمهذه الفكرة .. أو بالأحرى الأمنية ليست نتاج مراهقة فكرية لإمرأة كما أُتهمت فى بعض التعليقات ..أو عودة بالمرأة للخلف .. بل هى قمة النضج الفكرى و الأنسانى و التطور الطبيعى للمنحنى الحضارىمن يعترضون على "حلمى" سوف يرون بأعينهم غدا أن هذه الفكرة هى منتهى الرقى و التحضر.الجسد الأنسانى (كأى مخلوق) محدود الطاقة .. فاذا أجهدناه بما لا يطيق تعب و أجهد معه الروح و النفس .. و عندما وضع الله على عاتق المرأة وحدها مسئولية " الأحتضان" الأجبارية : فى الحمل و الرضاعة حّملها بمجهود قاسى .. و عندما وضع فى فطرتها الأهتمام و التضحية و ايثار الأبناء على نفسها حمّلها بمسئولية إضافية .. ايضا- و لكن و مع ظهور تلك الطبقة الحنجورية من المعترضين على كل شئ و أى شئ .. بشر يظنون أنفسهم تقدميون و مثقفون و أعلى من الآخرين - بشر يعترضون حتى على الفطرة التى ستستمر رغم أنوفهم – أدخلوا المرأة فى طور جديد يتعارض – غالبا- مع الفطرة فأصابوها بالوهن الجسدى و النفسى .. انعكس وهنها على تابعيها و هم الأولاد و الرجل ...مما أفرز " فوضى انسانية عظيمة"لم أقصد للحظة أن أبقى فى البيت لأكتفى بتربية العيال و الطبيخ و المسح .. عفوا – فأنا بالفعل أقوم بهذه المهام الى جانب عملى – و ماتجيش شملولة تقوللى أنا مابعملش كده لأنى هقولها تبقى ست ولا مؤاخذه معفنة .. ولا أردت البقاء فى مملكتى لأتزين للرجل و أتحمم له و أتنعم له .. فالمرأة المحترمة تتحمم و تتزين و تلبس بأناقة من دون الرجل ..و من لا تفعل ذلك لنفسها فهى أيضا ست .. معفنةأنا لن أرتاح فى بيتى من أجل " النكاح" و ضد فكرة أن أصبح خادمة لرجل بل و هذا هو خطى التدوينى منذ بداياتى .. كل ما أريده هو أن : أريح جسدى و أدلله .. أكون أم جيده و متواجده .. أكون أمرأة غير مهانة أو مبهدلة شكلا و مضمونا .. أريد مساحة للحديث مع ابنتى .. أريد أعصابا للحوار مع ابنى .. أريد أن أصلى بهدوء و خشوع .. أريد مقابلة صديقاتى و الخروج معهن براحتى .. أريد أن أزور أمى و أشرب معها قهوة الصباح .. أريد أن أسهر أمام الكمبيوتر حتى الصباح .. أريد أن صحو من نومى غير مفزوعة كل صباح .. أريد أن أستقبل زوجى الشرقى وقت عودته و "أنا" اللى مرتاحة و رايقة .... حتى أتحمل "سخافاته و سطوته الشرقية " دون أن أنهار .... يا بتوع السقافة .. يا بتوع الحريات .. يابتوع حقوق القرد .... دى أبسط حقوق المرأة .. لا أقصد حقها فى العودة للبيت .. لأ لأ لأ .. حقها فى الأختيار .. ما تغلطوش الغلطة الكبرى تانى و تجبروها على الشارع ..زى ما أُجبرت على البيت يوما ما .. اللى عايزة تترشح لمجلس الشعب حرة .. اللى عايزة تسرح بجرجير حرة .. اللى عايزة تربى عيالها حرة .. اللى عايزة تسرّح بناتها حرة ..كل واحدة و قدراتها ..كل واحدة و أولوياتها .. المهم راحة الضمير...فهو أهم من التلميعة الأعلامية و الهيئة الأجتماعية
هو ده المنطق و لا مش هو .. يامتعلمين يا بتوع المدارس ..

مدونة أنا خدامة

تمر حنة

هل عادت بسبوسة؟

هل عادت بسبوسة؟

انصت .....هل هي حقا بسبوسة ؟

كنت عكادتي اغط في الاحلام الجميلة ، وما لبثت أن سمعت صوت مواء...مياااو

انتفضت من نومي هل هي حقا بسبوسة ؟ كيف وصلت إلى هنا؟

لا أدرى أخذت انصت قليلا فإذا المواء يتكرر

لا استطيع ان اجزم انها هي ..فبسبوسة كانت ذات فراء رصاصي مخطط بالاسود والرصاصي الغامق

وعند العنق لون ابيض ثلجي تراه واضحا أمامك كلما هممت ان تطردها صاحت باستنكار ميااااااو؟

لقد اعتادت في فترة وجودها معنا ان تعاملنا على أنها صاحبة المنزل

وقد كانت خاصة عندما فوجئنا بها وقد تحولت إلى أم مطلوب منها أن تربي أولادها وتنفق عليهم وتعلمهم النونوة المضبوطة لكل حدث

وتعلمهم الدفاع عن النفس ضد المعتدين والبحث عن الغذاء وفرص العمل

فأي قطة تحترم نفسها تحاول أن تجد لنفسها فرصة عمل كقط مدلل في أحد البيوت

وهذا يستلزم منها عمل دؤووب وبحث مستمر ورزالة بالهيلة

حتى تلقى المطلوب وتسكن شغاف اصحاب البيوت

أهي حقا بسبوسة ؟

لا أدري فبسبوسة كانت مفعمة بالهدوء

قطة هادئة لابعد حدود

حتى ان البعض اطلق عليها القطة الغبية

كانت تأتي لتأكل ثم تنام ويمكن ان تتركها في المكان لترجع بعد عدة ساعات لتجدها فيه

لا بتهش ولا بتنش

اهي حقا بسبوسة؟

أن كانت هي فبالتأكيد ستحاول البحث عن طبق اللبن الخاص بها في المطبخ

والطبق الفليني الخاص بالجبن التركي المفضل لديها

وكانت ستصرخ مواءا حتى تضع لها أمي الجبن المثلثات المفضل عندها

بالتأكيد كانت ستأكل ثم تذهب لتموء عند باب الشقة بعد ان تكون تمسحت في أقدام امي المسكينة وأصابتها بشتى أنواع الحساسية

لتموء بهستريا شديدة لنفتح لها الباب حتى تذهب لصغارها الثلاث

أمي التي تكره أكثر ما تكره في القطط غدرها والامراض التي تجلبها استيقظت لتجد على بابها قطه .....بل اثنان ...بل أربعة

بسبوسة ...وبسبوس ...وبوسي وبسبسة

كانت تقرأ عكادتها في الصباح حتى داهمها صوت المواء

اسرعت أمي لتفتح لها أمي الحنون لأنها تعرف أنها تعتني بصغار ثلاث

لتفاجيء بثلاث قطط .. بسبوسة ...وآخرين صغار

وما همت أمي لتغلق الباب حتى وجدتها تموء وتقف على أعتابه

واخذت تموء بشده مواء النداء

فما لبثنا ان وجدنا بسبوس الصغير الابيض في أسود

والاخراتين كانتا لحد كبير بسبوسة الصغيرة

ظل الحال هكذا اياما طوال تأتي بهم تأكل ثم يأكلوا ثم تنام وتتركهم لنا لنرعاهم

ثلاث عفاريت صغار ما لثوا ان حولوا الريسيبشن إلى ملهي قططتي

واصبحت كل الاشياء لعب ولهو في متناولهم

حتى جاء اليوم الموعود

اختفت واحدة من البسابيس الصغار

فجن جنون البسبوسة الكبيرة بحثا عنها .. لا تزال تذكرها رغم ان الاخرين يلعبان أمامها

ثم فوجئنا بأن البسبوستين الباقيتين اختفيتا

يا ويح بسبوسة الكبيرة

كانت تزورنا كثيرا لتأكل ولا تدري ماذا تأكل

وتصرخ وتشمشم في الاشياء ونحاول جاهدين رحمة بها وبعقولنا التي كادت تطير

وبسكان الشارع الذين ضجوا بنونوتها

ان نزيل رائحة أولادها من الاشياء وعبثا حاولنا

لكن البسابيس الصغار

لم يظهر لهم أي أثر

فتفتق ذهن أخي إلى الفعلة النكراء وهي تسريب البسبوسة الوحيدة المتبقية ذا جريت بسبوسة

فاخذ يطعمها ويعاملها برفق وأعلن أن هذه آخر ليلة تبيت بها بسبوسة في درنا

رحمة بها وبنا

وعند الفجر كانت الفكره قد اختمرت في رأسه

اخذ الكيس الاسود الجلد المتيييين

وأدخل بسبوسة فيه وهي لا تزال تموء

واخذها واخرجها في مكان لا تدريه المسكينة

ومن يومها لم نرها إلا هناك

تجوب الشوارع بعد أن كانت قط مدلل

تبحث عن اصحاب بيوت لتصبح قطهم المدلل

أحقا هذه أنت يا بسبوسة

لقد راودت أخي أحلام يقظة ولم ينفك يفكر بها تحمل ذات الكيس الأسود الجلد المتييييين

وتأمره ان يدخل بداخله

لتسربه هو الآخر كما فعل بها

احقا هي انت يا بسبوسة

وان كانت هي

هل لا تزال تذكرنا نحن البيت الذي استضافها وبسابيسها الصغار ؟

لا أدرى فقد انقطع المواء

ولم يعد حتى الان ........

آخر تطورات قضية الطفلة هند

على الرغم غني كنت ناوي اكمل شهر رمضان من غير تدوين إلا إني لم استطع ان اصمت أكثر من هذا ،،،،،

موقع مصراوي --

قضت محكمة جنايات بنها برئاسة المستشار أحمد عطية رئيس المحكمة ببراءة المتهم "محمد سامي

عبدالعظيم"الذي يبلغ من العمر 17 عاما في قضية إغتصاب الطفلة هند.
وإستمعت المحكمة لدفاع المتهم الذي قام ببناء دفاعه على خمس نقاط أساسية وهي إنتفاء الركن المادي والمعنوي للجريمة وخلو الأوراق من سمة أي أدلة ضده إضافة إلى تقارير الطب الشرعي الثلاثة التى قامت بإلغاء نسب نجلة هند إلى المتهم محمد سامي عبد العظيم.
شاهد جلسة المحاكمة .. (خاص - القاهرة اليوم)
وأكد محامي المتهم ببطلان تحريات المباحث لتضارب أقوالهم خلال التحريات الأولية كما قام دفاع المجني عليها هند ببناء دفاعه في تضارب أقوالها على صغر سنها وبشاعة الجريمة وخوفها من إنتقام المتهم وطالب بتوقيع أقصى العقوبة على المتهم وطلب بحضور الطبيبة التي قامت بتحليل ال"دى أن آيه"لإثبات النسب .
وأدلى المتهم بأقواله مؤكدا أنه برىء من التهمة بدليل تسلم نفسه للشرطة دون القبض عليه .

واللي يغيظ في الوضوع ويفرس أن المتهم اللي هو بريء دلوقتي هو الخاسر الوحيد

تشويه سمعه ... لاحظ معي أن أمه منتقبة_ وهو متدين ومحترم وشاب مثالي وابن ناس

هو دلوقتي الخاسر الوحيد .. البنت اتعملها البروباجندا التمام سواء كانت مظلومة أو ظالمة مش دي الطريقة اللي نحاكم بيها المتهم

يعني لو المتهم مسيحي كنا حنعمل كده

ماشي خلينا نمشي جنب الحيط

البنت مظلومة ماشي يبقى ما فيش داعي نشنع بيها في كل وسائل الاعلام

دا دلوقتي الولد مش متهم

حد حيعمل معاه حوارات ؟ لآ باعتبار ان الرأي العام كان متعاطف مع الطفلة هند

يبقى كل برنامج حيمشي جوه الحيط وفي المضمون وميجبش سيرة على أساس أن الموضوع بقى بايت مش طازة

ومش حيجيب همه

دا غير إنه حيقلب الرأي العام ضد القناة على أساس إنها بتدافع للمتهم اللي هو مش متهم

وممكن يقولوا وقتها القناة دي بيمولها الاخوان وان صاحبها المرشد العام كمان

صحيح بلد بتاعه بروباجندا

طب انا دلوقتي عاوزة حق محمد

مين حيجيبوه ؟؟؟؟؟

ومين حيجيب حد هند اللي مش عارفين مين عمل فيها كده ؟

ولا حنام على الموضع لحد ما يتنسى

يارب الفضائيات يخلوا عندهم دم ويغطوا الحقائق

*****************************

تحديث :هند ، محمد أنا آسفة أنا مش حكم

اعتذار واجب لأني مش قاضي أنا بس حبيت أقول أن اللي ليه حق فيكم لازم وحتما حد يجيب له حقه بالقانون ..

وشكرا

يوميات صائم

برنامج عملي يومي
قبل الفجر
1. التهجد قال تعالى ( أمن هو قانت آناء الليل ساجداً وقائماً يحذرُ الآخرة ويرجو رحمة ربه ) الزمر : 39 2.

السحور : قال النبي صلى الله عليه وسلم ( تسحروا فإن في السحور بركة ) متفق عليه

.3. الاستغفار إلى أذان الفجر قال تعالى ( وبالأسحار هم يستغفرون ) الذاريات :18 .

4. أداء سنة الفجر: قال النبي صلى الله عليه وسلم ( ركعتا الفجر خير من الدنيا وما فيها ) رواه مسلم .
بعد طلوع الفجر
. التبكير لصلاة الصبح قال النبي صلى الله عليه وسلم ( ولو يعلمون ما في العتمة والصبح لأتوهما ولو حبواً ) متفق عليه .

الانشغال بالذكر والدعاء حتى إقامة الصلاة قال النبي صلى الله عليه وسلم ( الدعاء لا يرد بين الأذان والإقامة ) رواه أحمد والترمذي وأبو داود

.3. الجلوس في المسجد للذكر وقراءة القرآن إلى طلوع الشمس : ( أذكار الصباح ) فقد كان النبي صلى الله عليه وسلم إذا صلى الفجر تربع في مجلسه حتى تطلع الشمس . رواه مسلم

.4. صلاة ركعتين : قال النبي صلى الله عليه وسلم ( من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة ) رواه الترمذي

5. الدعاء بأن يبارك الله في يومك : قال النبي صلى الله عليه وسلم ( اللهم إني أسألك خير ما في هذا اليوم فتحه ونصره ونوره وبركته وهداه وأعوذ بك من شر ما فيه وشر ما بعده ) رواه أبو داود

.6. النوم مع الاحتساب فيه : قال معاذ رضي الله عنه إني لأحتسب نومتي كما احتسب قومتي

.7. الذهاب إلى العمل أو الدراسة قال النبي صلى الله عليه وسلم ( ما أكل أحد طعاماً خيراً من أن يأكل من عمل يده وإن نبي الله داود كان يأكل من عمل يده ) رواه البخاري

.8. الانشغال بذكر الله طوال اليوم : قال النبي صلى الله عليه وسلم ( ليس يتحسر أهل الجنة إلا على ساعة مرت بهم ولم يذكروا الله تعالى فيها ) رواه الطبراني .9. صدقة اليوم : مستشعراً دعاء الملك : اللهم أعط منفقاً خلفاً .
الظهر
1. صلاة الظهر في وقتها جماعة مع التبكير إليها : قال ابن مسعود رضي الله عنه : ( إن رسول الله علمنا سنن الهدى وإن من سنن الهدى الصلاة في المسجد الذي يؤذن فيه ) رواه مسلم .2. أخذ قسط من الراحة مع نية صالحة ( وإن لبدنك عليك حقاً ) .
العصر
1. صلاة العصر مع الحرص على صلاة أربع ركعات قبلها : قال النبي صلى الله عليه وسلم : ( رحم الله امرءاً صلى قبل العصر أربعاً ) رواه أبو داود والترمذي

الحرص على أذكار المساء وما تسير من القرءان أو الدعاء

.2. سماع موعظة المسجد : قال النبي صلى الله عليه وسلم ( من غدا إلى المسجد لا يريد إلا أن يتعلم خيراً أو يعلمه الناس كان له كأجر حاج تاماً حجته ) رواه الطبراني .

3. الجلوس في المسجد : قال النبي صلى الله عليه وسلم ( من توضأ في بيته فأحسن الوضوء ثم أتى المسجد فهو زائر الله وحق على الموزر أن يكرم الزائر ) رواه الطبراني بإسناد جيد .
المغرب
1. الانشغال بالدعاء قبل الغروب قال النبي صلى الله عليه وسلم (ثلاثة لا ترد دعوتهم وذكر منهم الصائم حتى يفطر ) أخرجه الترمذي .

2. تناول وجبة الافطار مع الدعاء ( ذهب الظمأ وابتلت العروق وثبت الأجر إن شاء الله تعالى ) رواه أبو داود .

3. أداء صلاة المغرب جماعة في المسجد مع التبكير إليها .

5. الاجتماع مع الأهل وتدارس ما يفيد : قال النبي صلى الله عليه وسلم ( وإن لزوجك عليك حقاً )

6. الاستعداد لصلاة العشاء والتراويح .
العشاء
1.

صلاة العشاء جماعة في المسجد مع التبكير إليها .2

. صلاة التراويح كاملة مع الإمام قال النبي صلى الله عليه وسلم ( من قام رمضان إيماناً واحتساباً غفر له ما تقدم من ذنبه ) رواه البخاري ومسلم

.3. تأخير صلاة الوتر إلى آخر الليل : قال النبي صلى الله عليه وسلم ( اجعلوا آخر صلاتكم بالليل وتراً ) متفق عليه .
برنامج مفتوح
زيارة ( أقارب . صديق . جار ) ممارسة النشاط الدعوي الرمضاني . مطالعة شخصية . مذاكرة ثنائية ( أحكام . آداب . سلوك .. الخ ) درس عائلي . تربية ذاتية . حضور مجلس الحي .مع الحرص على الأجواء الإيمانية واقتناص فرص الخير في هذا الشهر الكريم .وصلى الله وسلم على نبينا محمد .

منقول للأمانة

الدرس انتهى

ما اناتش بتلعب ليه يا روح بابا؟
ولا عسكري ولا لص في عصابـــــة
إلعب أسد أو ديب رهيب أو غزال
دي الدنيا في نهاية المطاف غابـــة
عجبي!!

الدرس انتهى لموا الكراريس

بالدم اللى على ورقهم سـال

فى قصـر الأمم المتــحدةمسـابقة لرسـوم الأطـفالا

يه رأيك فى البقع الحمـرايا ضمير العالم

يا عزيزىدى لطفـلة مصرية وسمراكانت من أشـطر تلامي

ذىدمها راسم زهرة

راسم رايـة ثورة

راسم وجه مؤامرة

راسم خلق جباره

راسم نـار

راسم عار

ع الصهيونية والاستعمار

والدنيا اللى عليهم صابرة

وساكته على فعل الأباليس

الدرس انتـهى

لموا الكراريس

..ايه رأى رجـال الفكر الحر

فى الفكرادى المنقوشة بالدم

من طفل فقير مولود فى المر

لكن كان حلو ضحوك الفـم

دم الطـفل الفـلاح

راسم شمس الصباح

راسم شـجرة تفاح

فى جناين الاصلاح

راسم تمساح

بألف جناح

فى دنيا مليانة بالأشبـاح

لكنـها قلـبها مرتــاح

وساكتة على فعل الأباليس

الدرس انتـهى

لموا الكراريس

…ايه رأيك يا شعب يا عربى

ايه رأيك يا شعب الأحـرار

دم الأطـفال جايلك يحـبى

يقول انتـقموا من الأشـرار

ويسيل ع الأوراق

يتهجى الأسـماء

ويطـالب الآبـاء

بالثـأر للأبـناء

ويرسم سيف

يهد الزيـف

ويلمع لمعة شمـس الصيف

فى دنيا فيها النور بقى طيف

وساكتة على فعل الأباليـس

الدرس انتهى لموا الكراريس

مدونة كباية لبن

من القدوة لديك؟؟؟



هل تتخيل ان يقول لك شاب



قدوتى شاب لم اسمع عنه يعيش في مجاهيل اثيوبيا



لا بالتأكيد بل سيختار من يراة امامة دائما على التلفاز و الجرائد و وسائل الاعلام



و كنا ننتظر ان تظهر وسائل الاعلام القدوة في الصحابة و ليس شتمهم



او احمد زويل او الموظف المثالي او عثمان احمد عثمان



او اوائل الكليات



لكننا نجد القدوة التى تقدمها لنا وسائل الاعلام



نانسي و هيفاء و محمد سعد و العنب و لاعبين الكرة



و في وسط هذا الفساد يبحث الانسان عن اي شئ يتمسك به



و لهذا اتخذ كثير من الناس احمد نجادي الشيعي قدوة و مثل اعلى



و حسن نصر الله الشيعي حتى هتف له لا اقول عامه الناس بل الاحزاب السياسية و الاخوان فترة حربه مع اسرائيل



و بن لادن و الزرقاوي اتخذهم كثير من الناس قدوة بلا تفكير و ايدوهم في تدمير البرجين دون حساب للنتائج او النظر هل فعلا قاموا بهذا العمل ام لا

و العجيب في استفتاءات كل عام من تنتخب ليكون رئيس للجمهورية

الكثير اختار عمرو خالد

و الاكثر اسامة بن لادن

و هناك من اختار نجيب محفوظ

و محمد صبحي


غير من اختار ابو تريكة و نور الشريف

على أي اساس تختارون ؟؟؟

مش لازم خبرة و معرفة و مقدرة في السياسة

المطلوب في الرئيس لانه الوسامة و انه محبوب بل الكفاءة و المقدرة

و ل ا انا بحب بابا و برشحة لمجلس الشعب

اذا كنتم ترغبون في التوجة الطالباني فاختاروا الملا عمر

التوجة الاخواني مفروض بدل عمرو خالد يختاروا خيرت الشاطر رجل الاعمال و الياسي البارع كمثال

و الذين اختاروا عمرو موسي و جمع مليون توقيع اضروه كالدب التى قتلت صاحبها

في بلادنا الكبار مش الفريك ما يحبش شريك و لا حتى شوية سلطه

فاكرين ايمن نور ؟؟

الاف الناس رشحتة لرئاسه الجمهورية

بل ربما الملايين

لماذا ؟؟

عشان لقاء معاه على قناة الجزيرة

الناس اول مره تشوف واحد يهاجم حضرة القداسة رئيس الجمهورية ظل الله في الارض

و هل هذا كافي ليمسك الحكم

مصر مليانه كفاءات و على اعلى مستوي في جميع المجالات لكن المشكلة انها مش وخده فرصتها

و يلا مش مهم

هذا الموضوع كتب في يوليو 7, 2007 في مدونة كوباية لبن

مقالات لماضة وبس

شباب عاوز الحرق !

د/ أحمد خالد توفيق
ثمة إجماع في وسائل الإعلام والأعمدة الصحفية على أننا رزقنا – من دون الأمم – بألعن جيل من الشباب الرقيع المنحل الشهواني التافه.. (شباب عاوز الحرق) باختصار شديد.. نحن وكل جيلي سلبنا الشباب أحلامه، واحتللنا المناصب التي يمكن أن يطمح إليها، وحرمناه أبسط الحقوق التي يمارسها أي قط في زقاق: الملجأ والزواج، وأعطيناه سفينة غارقة نخرة امتلأت بالثقوب نُهب كل لوح خشب وكل مسمار فيها، وقلنا له إن عليه أن يتولى الإبحار بها بعدنا .. وينظر الشاب إلى البحر الذي يعج بالأساطيل وحاملات الطائرات التي صنعها الآخرون، فيتساءل: ماذا كنتم تفعلون طيلة هذا الوقت حينما كانت السفينة لكم ؟.. فنقول له: أنت شاب شهواني قليل الأدب .. وربما سافل كذلك .. مشكلتك هي أنك كسول تريد كل شيء بلا تعب ..نعم .. وسائل الإعلام تنظر بريبة واضحة إلى هؤلاء الأوغاد بشواربهم نصف النامية والحبوب في وجوههم وأصواتهم الخشنة .. وهي تتظاهر بحبهم وتقدم لهم الكثير من (نانسي عجرم) و(أليسا)، لأنهم ما زالوا الوسط الاستهلاكي الأفضل، لكنها تعتقد في قرارة نفسها إنهم خطر أمني داهم، وأنهم يدارون ذيولهم في سراويلهم ..المشكلة فعلاً أن الشباب لم يعد على ما يرام .. هذه الطاقة الكاسحة المعطلة التي حرمت الأمل والمشروع القومي المشترك تزداد خطرًا يومًا بعد يوم، والفراغ يهدد كل شيء وكل بيت .. لاحظ انتشار الكافتيريات وملاعب البلياردو ومقاهي السايبر.. باختصار: ثقافة البطالة. لاحظ نمو التطرف الديني الذي تزامن مع غياب المشروع القومي والأمل في الغد. ولغة (الروشنة) التي يستعملها الشباب تحوي في 90% من كلماتها معاني الاستهتار والتحدي .. دعك من الوقاحة التي يشكو منها كل مدرس .. يحكي الدكتور (جلال أمين) – العالم الوقور عظيم الشأن - عن شاب من هؤلاء دنا من سيارته وهو جالس فيها ينتظر زوجته، فاستند على النافذة بجواره، وراح يثني مرآة سيارته ويفتحها بلا توقف وبلا هدف واضح وعلى سبيل التحدي فقط، بينما ظل الأستاذ الكبير جالسًا في السيارة صامتًا يرقب هذا السلوك غير المفهوم..لكننا نحن المسئولون بالكامل عن خلق هذا الوحش .. وكما يقول الشاعر العربي:إنا بأيدينا جرحنا قلبنا .. وبنا إلينا جاءت الآلامقرأت لأحد الصحفيين الكبار (الفلاسفة) – ولن أذكر أسماء لأن بلاط السجن سيكون باردًا جدًا في هذه الفترة من السنة - أنه كان في رحلة مع مجموعة من الشباب حينما سمعهم يغنون: الأقصر بلدنا بلد سواح .. فيها الأجانب تتسوح .. وكل عام وقت المرواح بتبقى مشتاقة تروح .. وتسيب بلدنا !يتساءل الأستاذ العبقري: أين ذهب الانتماء لدى جيل الشباب ؟... ذهب يا سيدي الفاضل بسببك وسبب أمثالك، الذين أيدتم كل نظام حكم وكل سياسة، وعملتم جاهدين من أجل الوصول إلى الثراء والنفوذ صاعدين سلمًا من أجساد الشباب المطحون .. في عصر كانت الصحف المصرية ترسم فيه الزعماء العرب جالسين على (قصرية) أطفال، وفي عصر كان يعلن فيه في الصحف عن زيادة الأسعار فتكتب مقالاً كاملاً تؤيد فيه هذه الخطوة المباركة التي تأخرت كثيرًا، وحينما يضع السادات كل قوى مصر السياسية في السجن تكتب مباركًا (ثورة سبتمبر) هذه .. يؤمن الشباب بعبد الناصر فيخرج ألف كتاب يلعن عبد الناصر .. يحن الشباب إلى سعد زغلول فتمزقون سعد زغلول ..كل إنجازات يوليو تحولونها إلى كوارث يوليو .. تهللون للاشتراكية في عهد عبد الناصر ثم تلعنون أباها في عهد السادات .. وتلعنون أمريكا في عهد عبد الناصر وتكتشفون أنها الشريك الكامل الأمين في عهد السادات. ولولا بعض الحياء والخشية من النظام الحالي الذي يستمد شرعيته من أكتوبر لشككتم في حرب أكتوبر ذاتها : "المصريون لم يعبروا القناة في أكتوبر .. القناة هي التي تحركت إلى الغرب بضعة كيلومترات". في إحدى فترات الخلاف العابرة مع أمريكا قرأت مؤخرًا لصحفي كبير جدًا يقول: "علينا أن نشفى من خرافة أن 99 من أوراق الحل في يد أمريكا!". والحقيقة أنك يا سيدي كتبت هذه الخرافة مرارًا من قبل خاصة في عهد السادات ..من حسن حظ الشباب أنه لم يقرأ مقالاتك القديمة تلك وإلا لجن بالتأكيد..تخرج وسائل الإعلام للقاء الشباب ومعها المذيعة التي سكبت زجاجة أكسجين كاملة على شعرها ووضعت طنًا من المساحيق كأنها إحدى بطلات مسرح الكابوكي الياباني.. تسأل الشاب عن اسم وزير (التوابع المضادة) أو وزير (التعاون الإعلامي التخطيطي) فلا يمن الله عليه بكلمة .. من ثم تخرج الصحف صارخة: الشباب تافه شهواني رقيع .. ليت الشباب يهتم بعقله كما يهتم بالدهان الذي يسكبه على شعره ..الحقيقة أن الإجابة عن هذا تكمن في كلمات (أورويل) في روايته الرائعة 1984 عندما دبت مشادة بين البطل وحبيبته حول (هل كان الحزب في حرب مع أيستاسيا أولاً أم كان في حرب مع إيوراسيا ؟)... يقول (أورويل) إن الفتاة لم تكترث بهذا على الإطلاق لأنها لا ترى فارقًا بين هراء وهراء آخر .. الشاب لم يختر وزير (التعاون الإعلامي التخطيطي) ولم يسمع عنه من قبل، ويوم يرحل هذا الوزير فلن يعرف أحد السبب .. إذن ما جدوى معرفة اسمه ؟.. لا فارق بين (هراء وهراء آخر).. اسمحوا للشاب أن يختار وزير (التعاون الإعلامي التخطيطي) ثم طالبوه بأن يعرف اسمه، وانصبوا له المشانق لو لم يعرفه ..نفس الشيء ينطبق على الأسئلة من طراز (متى مات بيلاطس البنطي ؟).. (ما طول نهر المسيسبي ؟).. (من مؤلف كتاب تثقيف الشعوب في تقنية الحاسوب ؟).. السيدة المذيعة لو انتزعوا منها البطاقة الأنيقة لن تعرف الإجابة، والسيد المعد لا يعرف الإجابة وأنا لا أعرف الإجابة، وليس مما يفيد الإنسان المعاصر أن يعرف طول نهر المسيسبي ما دامت هذه المعلومات موجودة في أية دائرة معارف .. إنها ثقافة (الكلمات المتقاطعة) التي يصرون على أنها هي الثقافة ولا شيء سواها، بينما الثقافة هي أن تستخدم ما تعرف في تكوين مفهوم متكامل للعالم من حولك وكيفية التفاعل معه ..لكن وسائل الإعلام لا ترضى بهذا .. هي لا تريد إلا أن ترى الدماء تسيل وتلطخ كل شيء .. لهذا تطالب برأس الشاب التافه.. بينما اسم آخر أغنية لراغب علامة أو عيد ميلاد روبي هي بالفعل معلومات تبدو مهمة للشاب .. على الأقل هو لا يُرغم على معرفتها، وتمس حياته – ورغباته – بشكل واضح .. ولا تتعالى عليه أو تعده بما لا يمكن تحقيقه .. ولا تهدم ما آمن به من قبل بلا مبرر.. والأهم أنها لا تسد عليه طريق الترقي والنمو في الحياة .. باختصار: (روبي) تبدو هي الشيء الوحيد الحقيقي وسط كل هذه الأوهام وكل هذا الكذب ..الشباب ليس مجموعة من الملائكة، لكنهم ليسوا شياطين ..سوف يصيرون كذلك لو لم نفق من غيبوبتنا، ونحن لسنا ملائكة ولا شياطين .. نحن ملاحون خائبون غرقت سفينتهم أو كادت .. وعلينا أن نترك قطعة خشب واحدة طافية ليتمسك بها من يأتون بعدنا.البريد الإلكتروني:

التثقيف الجنسي في المدارس العربية

تواجه الدعوة الى تقديم مناهج للتثقيف الجنسي في المدارس اعتراضات واسعة في المجتمعات الشرقية.

إلا ان الكثيرين يرون ان للتثقيف الجنسي أهمية كبيرة في حياة الأفراد وانه يساعد في الحد من انتشار الأمراض الجنسية.

آخر نموذج لذلك، الجدل الدائر في الهند حاليا حول محاولة الحكومة تقديم منهج للتثقيف الجنسي في المدارس حيث رفض أكثر من 30% من الولايات الهندية المنهج المقترح.

نقلا عن الBBCالعربية

تفتكروا الموضوع دا عدى علينا في مصر جبل سابق ؟؟؟؟؟

الموضوع دا نوقش كتييييييييير في مصر لو تفتكروا كده من 3سنين او اكتر

ونوقش كمان معه ان مصر وقعت على اتفاقيات في الأمم المتحدة

وكان من ضمن بنود إحدى هذه الاتفاقيات

توزيع برشام منع الحمل على البنات في المدارس الثانوية والاعدادية

وقتها قامت الدنيا ومقعدتش

وواحدة من دكاترة الاجتماع كان شعرها حيطقطق

قالت يعني ندي لبناتنا برشام منع الحمل

ولما البنت تسألني أقولها إيه؟

أصل احنا وقعنا الاتفاقية خلاص ؟

دا كلام ؟

ودلوقتي طفا تاني على الساحة الكلام عن تدريس الثقافة الجنسية للأطفال

أقول إيه ؟ مش كفاية هيفا و الواوا ونجلا والحمار والحصان والكتكوت و الدبانة

لا زم يعني ثقافة جنسية ؟ ما بلاش و الله الواحد مش خايف غير أن المدرس اللي حيحط المنهج واللي حيدرسه هو اللي حيتفضح

لأن الطلبة في اعدادي وثانوي اساتذة جهابذة ممكن يعملوا للمدرس ده امتحان ويسقطوه فيه بالثلث

طب ايه رأيكو نعملها مادة تضاف للمجموع ؟

اظن كده بقى أولياء الأمور حيحطوا في بطنهم بطيخة صوب مش صيفي

ويأكلوا سد الحنك

لأنهم بهذا ضمنوا نجاح الولاد لأن الطلبة حتنجح في المادة دي بامتياز

حرااااااااااااااااااااااااام

هم الولاد ناقصين فساد يا زوزو

وبعدين لما نثقفهم ونعرفهم في المدرسة

حيعملوا ايه ؟

المفروض أن الكلام دا يتعلموه في الاسرة

في المساجد

الكنايس

وتحت رقابة الأهل

مش في المدارس

دي تبقى امريكان سكولز

مش حنعلم ولادنا الثقافة الجنسية في المدارس

واعلى ما في خيل الأمريكان يركبوه

الحكومة نفسها رفضت قبل كده تنفيذ هذا الأمر عمليا ..لكن واضح أن أمريكا هانم

مش عاجبها كل حبة سنين يشعللوا الموضوع تاني

عموما الموضوع دا مرفوض كليتا لأننا برضه مش ضامنين ذمة المدرس اللي حيعلم الولاد

في ضل اللي بيتقال في الأهرام عن ان المدرسين ليهم تجاوزات مع الأطفال

يبقى لازم نقلق على أطفالنا احسن يدرسولهم المادة عملي

وعجبي