في اسكندرية وسلو بلدنا لا نقول أنا (رايحة الجامعة) لأ ...(أنا رايحة الكلية ....)
والموضوع بدأ من الثانوية ...وعلى طريقة محققين أوروبا...فلننعش خلايانا الرمادية،،،،،،،
مالش دعوة انا عاوزة آخد ألماني...
لا أذكر بالتحديد السبب الذي جعلني أختار القسم العلمي طريقاً لي ،ولكن اعتقد أن السبب هو أن فارس أحلامي طبيب بشري..
وبرغم أني الأخت الصغرى ،والتي يفضل أخواتها الأكبر مارسة فن (الغلاسة وعيشان الدور عليها) وعلى طريقة أحنا أدرى ومصلحتك تهمنا ..وفي بداية المرحلة الثانوية وهي أمر في مصرنا الحبيب جلل..وتحديد مصير عمرك ولو كنت بنت يبقى مصير جوازك كمان ..
ابتدأ الأمر بصراع على أختيار اللغة الثانية التي سوف أدرسها..ونشب الصراع بيني وبين أختي مدونة بحب الورد و_(مش) ححطلها لينك نكاية فيها _
أنا : ماما أنا عاوزة أختار ألماني...
بحب الورد : على ضرخة واحدة ماخدوش يا بابا ..حتعملي بالألمانية أيه؟
يا ستي بحبها وخلاص وبعدين أنا مش قابلة موضوع الفرنساوي دا خالص...
بحب الورد : بعد أن انتفخت بتلاتها وفروعها تشنجت ..وخفت تقع من السبت...الألماني دا مش حتعملي بيه حاجة...
وبعدين الفرنساوي مهم عشان حتستخدميه في الكلية ..وفي حاجات في الكلية بالفرنساوي..
أنا: ماليش دعوة أنا عاوزة ألماني عااااااااا
ماما: أسمعي كلام أختك الكبيرة هي عارفة أكتر منك ...
عكرووت اخي اللي بيني أنا وبحب الورد وصاحب مدونة عكرووت
عكروت: دي مش عاوزاكي تاخدي ألماني عشان متعرفيش لغة جديدة هي مش عارفاها...
لا أذكر تحديدا ايه اللي حصل..لكن أذكر أن الأمر انتهى بقبولي اللغة الفرنسية مرغمة ..
وفشل الننوس فشل ذريع في الفرنسية ...
يتبع
الخميس، ٢١ أغسطس ٢٠٠٨
أنا خارجة م الثانوية ورايحة على الكلية....
الاثنين، ٤ أغسطس ٢٠٠٨
قانون المرور الجديد ...؟؟؟
أم قانون تقليب المواطنين الجديد؟
الصورة المرفقة من جريدة الأهرام تسرد فيه - كجريدة رسمية - العقوبات والمخالفات...ولنستعرض معا مواطن_ تقليب _ الشعب المصري...
*عدم ارتداء حزام الأمان ..غرامة لا تقل عن 100جنيه،ولا تزيد على 300جنيه...
بناءاً على ماذا ...أريد أن أعرف المعيار الذي سوف أدفع عليه 300جنيه لاحظ الفرق 3أضعاف أو 200جنيه أو 150جنيه..؟ هل يخضع هذا الأمر لمعايير ؟ هل مثلا لمزاج الأمين أو ضابط المرور؟
هل تخضع لمعايير الطريق نفسه؟ يعني إذا كان طريق سريع أو داخل المدينة؟
هل تخضع لنوع العربية أو تهور السائق؟.. لا ندري..فمن يضع القوانين ليس همه الأول راحة المواطنين بقدر ما يهمه أولى الأمر ...ورضا القيادات العليا عليه...
وإلا كيف نفسر هذه الفجوة في أسعار المخالفات التي لا أساس لتباينها...
**قيادة السيارات في مواكب خاصة دون تصريح ...سحب رخصة القيادة لمدة لا تقل عن شهر...
ولم يضع كلمة لا تزيد عن..يعني ممكن تتسحب رخصي أكتر من شهر ما هو القانون ما جابش سيرة ...
وبعدين ممكن أفهم يعني ايه مواكب خاصة دي ...؟ يعني لو موكب محافظ مثلا أو شخصية مهمة ..يعني لو الست نانسي أو المغفور لها يسرا .. أو المحسنة هيفاء ..وحصل أنهم مشوا في موكب من البوديجاردز...تدفعوهم غرامة...
بلا خيبة شوفوا أمناء الشرطة بيعملوا ايه لما يشوفوا ممثل معدي...
*** الانتظار في غير الأماكن المخصصة لذلك...سحب رخصة القيادة لمدة لا تقل عن شهر ..وبرضه ما جابش سيرة لتزيد عن...
على أساس أن الدولة وفرت لنا أماكن انتظار بالهبل وأحنا اللي بنركن في عرض الشارع...
المتمرسين في اليوتيوب يعرفون فيديوهات تصور مدي حماقة المرور في مصر ...وكيف يسخر منا الأجانب من الطريق السريعة التي على جوانبها مدن سكنية ولا أنفاق للمرورأو كباري ...وكيف أن كلبشة العربية التي تقف صف ثان ..يعرقل مرور صاحب الصف الأول ويجعله ..متكلبس..هو الاخر...
لا يوجد أماكن انتظار وساحات وجراجات في اسكندرية ..حتى جراج سانت كاترين هدموه وعملوه مسرح للفنون الشعبية...يا فرحت مامي بيكوا....يا ترى عملتوا فيه أيه دلوقتي؟؟؟؟عملتوه حمام عمومي ؟؟
***السير بسيارة اجرة والعداد معطل...سحب رخصة القيادة مدة لا تقل عن شهر؟
من أكثر الناس استعمالا للتاكسي أنا ...فقد رزقت بسكن يقع على مفترق طرق روما وكل الطرق تؤدي إليه..لكن اسرعها طبعا التاكسي...ولأن المشوار لا يتكلف أساسا أكثر من جنيه فبدفع 150قرش أحتياطي..عشان ما ادبش خناقة مع السواق...
وحينما عصرني الفضول سألت أحد سائقي التاكسي_اصلي بحب اضرب معاهم صحوبية_ بصنعة لطافة عن الأحوال والأجرة ..بدء يتكلم عن الزيون الذي لا يدفع وتطرقت بالحديث عن العداد اللي مش شغال...
فدافع بقوله: العداد دا من سنة ستين يعني بيحاسب بتعريفه القروش هو فيه قروش حضرتك؟ دلوقتي وبعدين البنزين زاد...
عنده حق...طب بدل ما يطلبوا شنطة اسعاف ب300جنيه من السائق وهو ما يعرفش أ...ب اسعافات أولية..ومثلث عاكس ودا ليه معايا روقة...طب ما يغيروا العدادات يعني ما في امريكا ما حدش بيتخانق مع السواق على اجرة...ولا يعني أمريكا ما فيش فيها غير الجثث العارية والحركات المخلة والألفاظ النابية ..ما فيها قانون حلو ممكن ناخدة برضه...
ونغير العداد على حساب السواق بدل شنطة الاسعافات المجهولة الهوية ...وبدل لجان ومرتبات ضائعة في وزرات الصحة والداخلية على تحديد مواصفات الشنطة المنتظرة...لا وفروها ووفروا بثمنها أكشاك للإسعاف على الطريق..
ووفرو للسائقين ..والركاب عداد محترم يفصل الخناقات اليومية على الأجرة...
***الامتناع عن نقل الركاب لسيارة الأجرة...غرامة لا تقل عن 300جنيه ولا تزيد عن 1500...
طب دا بيخضع لايه؟ للشخصية اللي حتركب ..ولا السواق اللي سايق..ولا امتناع السواق عن نقلهم للمكان المطلوب منه...القانون يصعب فهمه ..يعني أنا لو وقفت سواق من السيدة وقلت له روح بيا مدينة نصر قالي لأ...آخد رقمه وأنتوا تتصرفوا معاه؟؟؟؟طب لو السواق دا تعبان وعاوز ينام ومش شايف أدامه...يعمل ايه يسوق بيا برضه ويعمل حوادث؟؟؟
والغرامة دي محددة على أي أساس ....؟؟؟من 300 - 1500 ؟؟ مش دا يفتح برضه الطريق أمام القلة القليلة من ضباط المرور ...الوحشيين...يفتح الأيدي والأدمغة...والجيوب الواسعة...يا تدفع 500منهم 200للأمين..يا غرامه 1500جنيه ..بروح امك..مش دي برضه لغة التعامل يا حضرات المحترمين ؟
وأخيرا وليس آخرا نقل الركاب بأعداد تزيد عن الحد الأقصي المقرر..من300-1500جنيه...الراس واقعة بكام كده؟؟؟
وما هو الحدد المقرر لكل مركبة ؟ أنا أحتفظ بصور لمركبات شنيعة منها واحدة لأحدي شركات النقل الجماعي الجديدة في اسكندرية..وميكروباص...تحفة...لا أدري كيف تجدد له الرخصة...ولا إدارة المرور جددت على مركبة تانية؟..
حسنا ...كيف مر من اللجان - الكوموستابل- المنتشرة في شوارع القاهرة والاسكندرية؟؟؟
وعلى إي أساس الغرامة أيضا لا ندري...لكن بشكل عام هذا القانون تنقصه المعايير ..على أي أساس تحدد قيمة الغرامات..لا بد أن تكون معايير واضحة...وإلا أصبح الوضع برمته تقليب لجيوب المواطن...السائق..وعلى الرغم من كرهي الشديد لسائقي الأجرة إلا أن الاجراءات التعسفية تولد من ناحية أخري صلف وتعنت من بعض سائقي الأجرة ..وترصد لأن سائق التاكسي يعلم أين منزلك مثلا...
الأمر يحتاج إلى تقنين وليس تقليم....ليتيح راحة أكبر للمواطن ..ولقائد المركبة..بغير ظلم ولا تسيب...
وللحديث بقية...
الاثنين، ٢٨ يوليو ٢٠٠٨
مممدوح اسماعيل براءة .....
الناس اللي كانوا على العبارة هم اللي كانوا طفسين بياكلوا كتير تقلوا السفينة فيستاهلوا الغرق...
ممدوح إسماعيل الذي صدر قرار منعه من السفر بعد أن سافر ....واعتقل أيمن نور وهو لا يزال يتمتع بحصانة مجلس الشعب
ممدوح اسماعيل ...الذي تسبب بعباراته المنتهية الصلاحية في غرق ملايين المصريين في البحر الأحمر على مدار العشرة سنوات المنصرمة...
ولنلقي نظرة على القائمة السوداء (البانار المتحرك اعلاه) منذ 92 سالم اكسبريس... هذا غير محاولات باءت بالفشل ونجت السفينة بمن عليها...
كذاب من يقول أن ممدوح اسماعيل دفع تعويضات للمتضررين ...هم لا يريدون نقودا .. هم فقط يريدون ذويهم...
أمهات ثكلي ..واسر فقدوا العائل الوحيد لهم....وزوجات ترملت ...وأطفال ذاقوا طعم اليتم باكراً
السبت، ٢٦ يوليو ٢٠٠٨
الثلاثاء، ٢٢ يوليو ٢٠٠٨
الثلاثاء، ١٥ يوليو ٢٠٠٨
Subject: جمعية مصر للثقافة و الحوار - هل القراءة وجع دماغ؟
هل القراءة و المعرفة وجع دمااااااااااااغ حقا ؟؟؟
جمعنا لهذا الغرض اثنين من أكثر الكتاب شعبية في أوساط الشباب
الكاتب عمرو طاهر والكاتب احمد خالد توفيق
فى انتظار حضوركم و مشاركتنا النقاش
المكان: جمعية مصر للثقافة و الحوار الدور الاول- برج الاميرة - عمارة مصر للتأمين -امام اسواق الشريف- ش جماع عبد الناصر
الزمان:الخميس 17 يوليو 2008
الأحد، ١٣ يوليو ٢٠٠٨
ارحمنا .. عشان ربنا يرحمك...
الأربعاء، ٩ يوليو ٢٠٠٨
لا لكتابة العربية بأحرف غير عربية
يسعد صباحك يا حكومة
تحديث:
اخبار الصباح النهاردة متغيرتش كتير عن االي كتبتها من شهرين فاتوا زاد بس عليها أرقام ...أرقام تثبت أن شعبنا المبجل راسب بالثلث في الرياضيات...
أرقام تثبت كره الشباب المصري للقسم العلمي ... لأنه سيضطره إلى الفهم والتحليل فيما بعد ...
أخبار الصباح:
خبر عاجل: بيع لحوم الحمير النافقة والمتعفنة بشدة والتي يحصلون عليها من على شواطيء الترع والمصارف مقابل 5 جنيه
....الجزار الشاطر في صفط اللبن بكرداسة بيبيع الكيلو بعد فرمة ب20جنيه
*************************************************************************
د/عوض تاج الدين : 70% من الاغذية غير مطابقة للشروط الصحية
*****************************************************
امبارح في الاهرام حوالي 13أو اكثر من الاطفال اصابوا بحالات اسهال شديد
اللبن اللي بيتوزع في التغذية بالمدرسة فيه فورمالين وجيلاتين
بوس ايد يوسف والي يا كلاب
*****************************************************
حل أزمة الخبز القضية الأولى للحكومة ؟@#،،@#*
صوت اسكندراني دلالة الاعتراض يلحقه كلمة اسكندرانية تدل على الاستنكار
يعني خلاويص بقى اسهل مشكلة قبلت الحكومة الحومة مش عارفة تحلها....
الحكومة فيصت يا جدعااااااااااااااان ... يالا قبل ما يعقل ...للبيع شعب مهاود لطيف الحال
على كيف كيفك
*****************************************************
الغرب يتهم الدول الاسلامية بالسعي لتقييد حرية التعبير في الأمم المتحدة
عشان طلبوا وقف الفيلم ويا ريتهم طلبوها صراحة الفيلم المسيء للرسول أشرف الخلق محمد صلى الله عليه وسلم
وامريكا وكندا وغيرهم رفضوا طلبنا ...بالعربي طظ فينا
****************************************************
في نفس الخبر اللي فوق ان الولايات المتحدة لا تتمتع بعضوية مجلس حقوق الانسان
بتحترم نفسها وشعبها والله
*****************************************************
لحدكده وكفاية ...ويسعد صباحك يا .....يا حكومة
الجمعة، ٤ يوليو ٢٠٠٨
نفسي أقول ...ولازم أقول ...بلدي لسه بخير....
وختمت النشرة أخبارها "الغنية والهامة جدا" بتقرير حول موسم عبور جاليتنا في الخارج، يفاخر فيه معده بازدياد أعداد المغاربة الذين غادروا الوطن بحثا عن لقمة العيش في أروربا، متجاهلا أن هذه الهجرة المتزايدة إنما هي نتيجة طبيعية لكثرة "ضغط الدم" عند المواطن المغربي من الحالة الاجتماعية والاقتصادية التي أصبحت عليها البلاد، لدرجة أصبح معها كثير من شباب مستعدين لرمي نفسهم بين احضان البحر على البقاء بلا كرامة ولا شغل في هذا اليلد.
**************************************************************************
شرف وكرامة حرائر المغرب تنتهك ... فعن أية حكامة أمنية يتحدثون؟ (صور جديدة من سيدي إفني)
إن ما كشفته أحداث سيدي إفني من محاولات لعناصر من القوات المساعدة والدرك الملكي والأمن الوطني اغتصاب ومحاولة اغتصاب بعض نسوة المدينة، والتحرش بهن، لدرجة تحدثت فيه بعض الشهادات التي نشرتها الجرائد الوطنية (التجديد – الاحداث المغربية) عن وقائع مخزية ورهيبة، (اغتصاب قاصر 14 سنة، تهديد بالاعتصاب واغتصاب في مخافر الشرطة) يطرح سؤالا كبيرا حول دور قوات "الأمن" في المغرب؟ كما يطرح أكثر من علامة استفهام حول شعارات الحكامة الأمنية التي تتغنى بها السلطات في البلاد.
***********************************************************************
في ظل هذه الأحداث التي حدثت مؤخرا في المغرب ....لأ زلت أذكر أن هناك أمين شرطة مات وهو يدافع عن شرف إمرأة لا يعرفها
هناك آلاف من رجال الشرطة في بلدنا الحبيب ..يستحقون أن نشكرهم ولا نضعهم في مصاف ونفس كفه الفاسدين
أخواننا في المغرب العربي ....نجح العدو أن ينسينا جزءاً من جسدنا وأن يخدرنا حتى يبتره
أنتم لاتزالون ... أبناء عقبة بن نافع....جزء من جسدي ...قطعة من وطني الكبير
سيدات المغرب ... أبشروا بنصر الله والانتقام من الظالم...إن نصر الله قريب
لي ولكم :: إلى متى ؟
الاثنين، ٣٠ يونيو ٢٠٠٨
خطبة جامعة للخير ناهية عن الشر
الحمد لله فاطر الخلق وفالق الاصباح وناشر الموتى وباعث من في القبور, وأشهد أن لا اله الا الله, وأشهد أن محمدا عبده ورسوله, وأوصيكم بتقوى الله, فان أفضل ما توسّل به العبد الايمان والجهاد في سبيله, وكلمة الاخلاص, فانها الفطرة, واقام الصلاة, فانها الملّة, وايتاء الزكاة, فانها من فريضته, وصوم شهر رمضان, فانها جنّة من عذابه, وحجّ البيت, فانه منفاة للفقر ومدحضة للذنب, وصلة الرحم, فانها مثراة في المال, منسأة في الأجل, محبّة في الأهل, وصدقة السر, فانها تكفّر الخطيئة, وتطفئ غضب الرب, وصنع المعروف, فانه يدفع ميتة السوء, ويقي مصارع الهول, أفيضوا في ذكر الله, فانه أحسن الذكر, وارغبوا فيما وعد المتقون, فان وعد الله أصدق الوعد, واقتدوا بهدي نبيّكم صلى الله عليه وسلّم, فانه أفضل الهدي, واستسنّوا بينته, فانها أفضل السنن, وتعلموا كتاب الله, فانه أفضل الحديث, وتفقّهوا في الدين, فانه ربيع القلوب, واستشفوا بنوره, فانه شفاء لما في الصدور, وأحسنوا تلاوته, فانه أحسن القصص, واذا قرئ عليكم, فاستمعوا له وأنصتوا لعلّكم ترحمون, واذا هديتم لعلمه, فاعملوا بما علمتم به لعلّكم تهتدون, فان العالم العامل بغير علمه كالجاهل الجائر الذي لا يستقيم عن جهله, بل قد رأيت أن الحجة أعظم والحسرة أدوم على هذا العالم المنسلخ من علمه على هذا الجاهل المتحيّر في جهله, وكلاهما مضلل مثبور, ولا ترتابوا, فتشكّوا, ولا تشكّوا فتكفروا, ولا ترخّصوا لأنفسكم, فتذهلوا, ولا تذهلوا في الحق, فتخسروا. ألا وان من الحزم أن تثقوا, ومن القة ألا تغترّوا, وان أنصحكم لنفسه أطوعكم لربّه, من يطع الله, يأمن ويستبشر, ومن يعص الله, يخف ويندم, ثم سلوا الله اليقين, وارغبوا اليه في العافية, وخير ما دام في القلب اليقين.
ان عوازم الأمور أفضلها, وان محدثاتها شرارها, وكل محدثة بدعة, وكل محدث مبتدع, ومن ابتدع فقد ضيّع, وما أحدث محدث بدعة الا ترك بها سنّة.
المغبون من غبن دينه, والمغبون من خسر نفسه.
وان الرياء من الشرك, وان الاخلاص من العمل والايمان, ومجالس اللهو تنسي القرآن, ويحضرها الشيطان, وتدعو الى كل غيّ, ومجالسة النساء تزيغ القلوب, وتطمح اليه الأبصار, وهي مصائد الشيطان, فاصدقوا الله, فان الله مع من صدق, وجانبوا الكذب, فان الكذب مجانب للايمان.
ألا ان الصدق على شرف منجاة وكرامة, وان الكذب على شرف ردى وهلكة.
ألا وقولوا الحق, تعرفوا به, واعملوا به, تكونوا من أهله, أدّوا الأمانة الى من ائتمنكم, وصلوا رحم من قطعكم, وعودوا بالفضل على من حرمكم, واذا عاهدتم, فأوفوا, واذا حكمتم فاعدلوا, ولا تفاخروا بالآباء, ولا تنابزوا بالألقاب, ولا تمازحوا, ولا يغتب بعضكم بعضا, وأعينوا الضعيف, والمظلوم, والغارمين, وفي سبيل الله, وابن السبيل, والسائلين, وقي الرقاب, وارحموا الأرملة واليتيم, وأفشوا السلام, وردّوا التحيّة على أهلها بمثلها أو بأحسن منها " وتعاونوا على البر والتقوى ولا تعاونوا على الاثم والعدوان واتقوا الله ان الله شديدالعقاب", وأكرموا الضيف, وأحسنوا الى الجار, وعودوا المرضى, وشيّعوا الجنازة, وكونوا عباد الله اخوانا.
أما بعد: فان الدنيا قد أدبرت وآذنت بوداع, وان الآخرة قد أظلّت وأشرفت باطلاع, وان المضمار اليوم وغدا السباق, وان السبقة الجنة والغاية النار. ألا وانكم في أيام مهل من ورائها أجل يحثّه عجل, فمن أخلص لله عمله في أيام مهله قبل حضور أجله فقد أحسن عمله, ونال أمله, ومن قصر عن ذلك خسر عمله, وخاب أمله وضرّه أمله, فاعملوا في الرغبة والرهبة, فان نزلت بكم رهبة فاذكروا الله واجمعوا معها رغبة, فان الله قد تأذن المسلمين بالحسنى, ولمن شكر بالزيادة, واني لم أر مثل الجنة نام طالبها, ولا كالنار نام هاربها, ولا أكثر مكتسبها من شيء كسبه ليوم تدّخر فيه الذخائر, وتبلى فيه السرائر, وتجمع فيه الكبائر, وانه من لا ينفعه الحق, يضرّه الباطل, ومن لا يستقيم به الهدى يجر به الضلال, ومن لا ينفعه اليقين يضرّه الشك, ومن لا ينفعه حاضره فعازبه عنه أ‘وز, وغائبه عنه أعجز.
انكم قد أمرتم بالظعن ودللتم على الزاد, ألا وان أخوف ما أخاف عليكم اثنان: طول الأمل فينسي الآخرة, وأما اتباع الهوى فيبعد عن الحق.
ألا وان الدنيا قد رحلت مدبرة, وان الآخرة قد ترحّلت مقبلة, ولهما بنون, فكونوا من أبناء الآخرة ان استطعتم, ولا تكونوا من بني الدنيا, فاليوم عمل ولا حساب, وغدا حساب ولا عمل.
ذكرها الحافظ ابن كثير في "البداية والنهاية", وقال فيها: هذه خطبة بليغة نافعة جامعة للخير ناهية عن اشر.
"حياة الصحابة" (4\296-300)
الأحد، ٢٩ يونيو ٢٠٠٨
الناس معادن..منها الصفيح ومنها الماس......ومنها النحاس!!!!!
هناك أنواع وأنواع من المعادن...وكذلك الناس أنواع فليس من السهل أن تعرف الصديق الحق من الوهلة الأولى ....لأن الصديق يظهر وقت الشدة ..فالماس من المعادن النفيسة كما أن الصديق من الناس النفيسة...
الماس معدن يستخرج من الفحم .فقد يظهر لك النحاس أو حتى الذهب على بعد قيل من القشرة الأرضية..حتى أن بعض البلاد تصيد الذهب من مجرى مائي عندهم.. لكن الماس مختلف..قد تجد يوما قطعة فحم لن تلبث حتى تكتشف أنك مخطيء إذ رميت بها ..فالماس مختبأ تحتها...
كذلك الصديق ..فكم من شخوص عرفناهم ..وأختلفنا معهم فتركناهم بأهون الأسباب ..وآخرون تمسكنا بهم وهم نحااااس....
الماس دائما ما يختبيء تحت الناس بل ويحتاج لمراحل ومجهود لأخراجه وفصله عن الفحم ...كذلك الصديق الحق ...يحتاج أن تتحمله أن تتفهمه.. أن تصبر عليه ..فهو الوحيد الذي يفعل كل ذلك معك ..يتحملك حين يضجر منك الناس ..يؤمن بك حين يكذبك الناس ..يقف معك مظلوماًََ..ويردك عن ظلمك ظالماً...
نادرون هم الأصدقاء في زمن كثر فيه النحاس و طغا على الماس...
فمن وجد صديقاً فيحمد الله ...فما أجمل الأصدقاء...نعمة لا يدري بها إلا من حرم منها....
تخيل معي نفسك بلا صديق ..حينما تمل من البيت أين تذهب ؟!!...ليس هنك صديق تشكو له...تشاركه فرحك ...أنت بلا صديق بقايا أنسان ..بقايا أمل...فالصديق يعطيك دفقة من أمل حين اليأس ...دفعة للأمام حين تتلقفك آهات المحن...
ألست معي أن الصديق نعمة تستحق الشكر!!!!
الجمعة، ٢٧ يونيو ٢٠٠٨
النسياااااااااااااان ....
ودي الكلمة الوحيدة التي يمكني بها التعبير عن الحالة التي كنت عليها إبان" التدبيسة " من خالو أحمد في لقاء المدونين الكبير بالإسكندرية ....
أحمد قال د.منوسي.... وأنا دخلت في حالة نبضات القلب السريعة والتوتر السطحي -لأ أنا مش ناموسة- التوتر الظاهري ..نعم الذي ترتجف معه كل عضلة في جسدك ....ويستعيد مخك كل ذكريات الغباء من أول أولى إبتدائي لحد أمتحان الكمياء في الثانوية العامة إبان مشروع " التحسين" "أيام الرخص يعني" ....
ولأني أدرك تمام الإدراك أن حالة آل- زاهيمر لم تختار إلا هذا التوقيت لتعلن عن نفسها وبشدة ...فقد تمنيت أن أحمد ينسى أن دعاني للكلام ...هيهات يا منوسي... أخذت المايك بعد أن رأي الحضور أنهم لن يسمعوا شيئا من صوتي "آل يعني لو سمعوا ممكن كانوا يفهموا مني حاجة" ثم أخذت أتكلم عن موضوع أني لا دكتور ولا حاجة وأنها شهرة "صيت مش أكتر" أخذت اتكلم ولأن الوقت المخصص لي كان 2 دقيقة ولأن الاتزام" خادني قوي دونا عن أغلبية الحضور فقد تكلمت عن المرأة واهتمامي بها وكان المفروض أتكلم عن ثلاثة عناصر بدأت أتكلم عن المدونة وحرية التدوين للمرأة والرقابة التي تخضع لها و النظر بخوف من نشر ما يصح أو يعقل وتكلمت عن جرأة المدونات ومنهم نوران الشاملي ...هنا أدرك د.منوسي الزهايمر فظهرت تلك النظرة الخوخاء الملتاعة ....وتناثرت حركات يدي في بشاعة ..."تقريبا الأخ الي جانبي نابة كوع كده محترم"ونسيت فتوقفت عن الكلام وقلت شكرا...
أعتقد أن لا أحد تذكر د.منوسي اللهم إن أحمد الصباغ ذكر اسمه فقط
علي مدونتي الأخرى سوف أنشر ما لم استطع قوله ...وهو هام بالنسبة لي...وإن شاء الله عز وجل سوف أعيد نشره على د.منوسي .....
السبت، ٢١ يونيو ٢٠٠٨
عصير برتقال
اللي في الصور أعلاه دا اسمه عصير بتقال ...وطبيعي أن يكون عصير البرتقال لونه أصفر او برتقالي وقوامه غليظ أو خفيف قليلا..مع بعض شوائب البرتقال ....
اليوم وكعادتي السيئة في عدم تناول الفطور في البيت ، ترجلت إلى أحدى المحال لشراء ما لذ طعمه وفقد كل قيمه الغذائية...
ومن ضمن المشتريات عصير جرين لاند برتقال ...لعلبة مكتوب عليها الآتي:
انها منتج طبقاً للمواصفات القياسية المصرية رقم 1602ج1/2003 .
خالي من المواد الحافظة والألوان الصناعية.
عصير برتقال طبيعي لا يقل عن 50%.
إلى هنا الكلام جميل لكن وللأسف قررت اليوم ان اشرب العصير في أحدى ال(المجات)حيث شكلها جميل (ويفتح النفس ) ما أن وضعت العصير في الكوب حتى أصابتني (قرفة شديدة) حاولت أن اشربه وأن انسى شكل العصير ....أنتصرت معدتي في النهاية وألقيت به في حوض المطبخ ...العصير كان لونه أصفر فاتح أقرب إلى الليمون المخفف بشدة (تقدر تقول شوية ميه وعليها نقطه لون أصفر!!!!!!!!!!!!!!!!!!
فين جمعيات حماية حقوق المستهلك بفتح اللام ..؟؟؟؟؟
ومن الملحوظ جدا على العلبة أنها مطابقة للمواصفات القياسية المصرية ...؟؟؟؟؟
هل هذه هي المواصفات التي نضمن بها حماية حقوق الإنسان؟؟؟ وعلى أيه ما هو المصري معدته تطحن الزلط مش مهم ما دام السادة أصحاب الشركة يتربحون وحينما تروح السكرة وتجيء الفكرة ...ننشر أعلانات في الجرايد تشجب وتوضح كيف أن المنتج سليم 100%
وليس قضية المياه المعدنية ببعيدة ...(.بقى يا ناس كل المياه المعبأة دي مطابقة أمال المخالفين مين؟)
مكتوب أن عصير البتقال فيها لا يقل عن 50% هذا يعني بالضرورة أنه من الممكن أن يكون في عصائر أخرى اقل من هذا إذا ما جدوى هذه العصائر التي لا تسمن ولا تغني من جوع ولا قيمة غذائيى تذكر لها ؟
من حقى كمواطن مصري ..أن تكون لي جمعية لحمايتي من الاستغلال وأن تكون القنوانين المصرية رادعة جدا خاصة فيما يتعلق بصحة المواطن ....
ألا قد بلغت ... اللهم فاشهد
الخميس، ١٩ يونيو ٢٠٠٨
لقاء المدونين الكبير بالاسكندرية
يوم 27/6/2008 الجمعةالساعة 2 ظهرا
المكان رقم 345 ميامى 6 ش جمال عبدالناصر - عمارات التعمير - برج الأميرة - أعلى شركة الشرق للتأمين
أمام أسواق الشريف ----العصافرة / الإسكندرية
مع تحيات احمد الصباغ
الخميس، ٥ يونيو ٢٠٠٨
الاثنين، ٢ يونيو ٢٠٠٨
يوسف أفندي
يوسف افندي راجل كبيير قوي في السن ... عاصر البشوات ... والأمرا والاميرات .. راجل تاجر وعلى عينك يا تاجر... جميع السلع موجودة ...كافة شيء تلاقي ...هدوم تلاقي جزم تلاقي...وفرش كمان تلاقي...
الراجل كان تمام وتجارته عال العال... قامت الثورة ... الدنيا قامت عليه ... الراجل فضل يقاوم والقرش جرى في اديه ...
جت النكسة والبلد جالة واكسة ... الرؤؤس متدلدلة والجيوب بيضا والحالة مقندلة .....
جت 73 الدنيا قامت والحرب دارت والراجل واقف صامد ..يكافح عشان يعيش ما البلد ما عدش فيها مكان للدراويش
دخل عل الانفتاح والدنيا سداح مداح... اللي بقرش بقى باتنين والدولة حتجيب منين والشعب راخر يا حبتة عيني حيجيب منين....
مرت السنين واتبدل الحال ....واصبح الحال مش عال ... والصحة في النازل ... وركبة الدين من ورا العيال ...مسكهم التجارة وفهمهم انها شطارة ...فكروا الشطارة انهم يملوا الجيوب ونسوا علام الغيوب ....
وفضل الحال لحد ما عم العيال ... طلب حقه في المال ...حقك منين يا خال؟ دا الج يوسف لسه عايش وشغال ...و القرش قرشه والفرش فرشه ...والورث بعد الممات ..عم العيال طماع ما كفهوش انه كان بسرق اخوه لما كان عنده شغال .....فضل يحارب في العيال ... والعيلة سانعه وساكته...وعين منخل والتانية خلخال....واحد من العيلة كان لسه عنده فضيلة والأمانة جواه...قام يدافع عن الراجل الغلبان ... اه نسيت أقولكلم مش عقبال عندكم ...العيال نسيوه وابوهم سابوه واقف لوده يا ولداه .... والمحال ماضي والفروع كمان ....الراجل الشهم الهمام وقف لعم العيال وتمن المحال والفروع كمان ... بس قالوا في الأمثال زمان ...الكثرة تغلب الشجعان ....فضل الراجل عم الحيال يحمرق ورا الراجل الهمام ويدور له على مصيبة تاخده في الحال ....لم العيلة عليه ...واللي ما وقفش مع يوسف في شدته وقف ضدالراجل الهمام لحد تربته.. وتمن الراجل الهمام المحال.. وقال يسولها بالميت قد كده ... معجبش عم العيال وفضل ورا الراجل الهمام ودخل الصحافة في الموضوع وكمان الإعلام ....الدنيا اتقلبت منهم معارض ومنهم مؤيد ... واراجل الهمام اخد في الكلام وشد لحد حيله ما تهد ....
ويوسف فادي الغلبان واقف يتفرج على اللي كانوا زمان يموتوا في بضاعته وعنها ما يستغنوا ...ولما الغلا يكويهم كان لعنده يحبو ويحملوا ويشيلوا .... أه يا ولداه الراجل الهمام عم العيال ما نساه وفضل يدحلب وراه لما رازاه .... وبالبلاوي رماه ... ومن يومها لا حس ولا خبر
ويوسف افندي اللي جار عليه الزمان ودار ...وقف على راس محلاته في المزاد تتباع وبأرخص الأسعار ....
صحيح زمن الرجال ولى ودا زمان عم العيال .....
السبت، ٣١ مايو ٢٠٠٨
42 شارع والابي سيدني.....
حاجة ملونة ومخططة .... أنا
حاجة ملونة ومخططة أبيض في برتقاني... برضه أنا
دوري ... سمكة زرقا في المحيط الواسع ...بتلف وتلف مع مرهف سمكة البهلوان بيدوروا على نيمو
غصت معاهم في البحر الواسع ... هربت من المحيط ودخلت في التيار الاسترالي الشرقي
فيلم فيندينج نيمو أو البحث عن نيمو
ونيمو ده سمكة البهلوان الصغيرة ...تاه من بباه لما اتخنق وهرب فلقيوه الصيادين
اتاخد واتباع لدكتور الأسنان
ابوه ميأسش فضل يدور....ويدور لحد ما لقاه
... أنا بحيلكم الحكاية دي ليه....؟ أممممم يمكن عشان أنا دوري ؟ يمكن عشان مستنيه مرهف؟
يمكن عشان بحب المحيط الواسع ؟
يمكن عشان الفيلم كان فيه تحدي واصرار من نيمو ومن ابوه ومن دوري أنها تفتكر 42 شارع والابي سيدني
يمكن عشان أنا ضد أن الآباء يخنقوا أولادهم فيهربوا للمحيط الواسع بس محيط البشر فيه ألوان كتير مش بس أزرق
يمكن عشان أنا مش بحب السبورت الغلط ؟ يعني مش لما ولادكم يغلطوا ولا تلاقوا معاهم سجاير يبقى الحل محاكم التفتيش وعدم ترك أماكن صالحة للتخزين ... لأ الحل أن احنا نعرف سبب شرب الولد للسجاير نعالج المشكلة من الجذور مش نقصقص الفروع .....
يمكن عشان كل ده بحب فيلم نيمو المدبلج ويمكن عشان أنا بحب أعيش في عالم كرتون ... يمكن
بس اللي اعرفه أني بحب الكرتون وبس.....
الاثنين، ١٩ مايو ٢٠٠٨
تاج ... ساخن جدا
- من أنت؟ وكنت تحب تكون حد غير نفسك؟
- بتدون ليه - امتى - لمين وفين؟
- منظر أو موقف مش قادر تنساه عمرك؟
- أمنية شبة مستحيلة نفسك تتحقق؟
- تحب تكون مكان حد مشهور ؟مين ؟ وحتعمل ايه وقتها؟
- شايف مستقبلك إزاي ؟
- تختار زوجتك /زوجك عل أي أساس؟ المال /الدين/الجمال/ المستوى الأجتماعي ؟
- امتى يكون الحب أعمى؟
- شايف الدنيا إزاي؟
- صفة أو عمل جميل نفسك نشاركك فيه؟
التاج ده أحب أبعته ..
لجنى... لأنها أوحتلي بالفكرة.وعلى فكرة دي أول مرة أعمل فيها تاج لحد أوحد يبعتلي تاج.
أحمد الصباغ ... مينفعش ما نبعتش لعميد المدونين...
مجداوية ... لأنها بقالها كتير مقاطعة المدونة التانية...
بيتنا القديم ... مشكور أنه حاططلي لينك عنده...
الربان.. ربان السفينة اللي رايحة للحبيب...
الأخت فزلوكة ... لولقيتي وقت ...
راما ... عيب عليا كنت حنسى ...زميلة كفاح كارتوني
عبد الرحمن فارس...
نوران الشاملي ...كنت حبقى أنا اللي خيخة لو نسيتك
آبي صاحبة الكوكب ...
اتمنى أن حد يرد على التاج بتاعي وابعتولي على أيميلي
مشكوريين مقدماً
د.منوسي
الاثنين، ١٢ مايو ٢٠٠٨
خفت توحشيني ...أموت
بجد خفت لو سبت قلبي ...لحد ما توحشيه أموت
أنا عارفة أننا حنفارق بعض في يوم...
بس بجد بخاف م اليوم دا...
لما أمي راحت العمرة ... كانت أول مرة تبعد عندي ...
انا عمري ما فارقتها .. ربنا يخليهالي...
سفرها كان يوم الثلاثاء ... أصريت يوم السبت أني ألم كل حاجاتها في الشنطة
كنت كل ما ابص وشها او عيني تيجي في عنيها أعيط ...
وهيه تعيط .. كنت فرحانة أوي أنها طالعة عمرة لأنها طلبتها من ربنا ..
كان كل ما حد يكلمها او يزورنا يسلم عليها كنت اتنرفز وابقى مش عاوزة أشوف حد يفكرني أنها ماشية ...
يوم الاثنين نمنا قرب الفجر نامت جانبي زي عادتها عملت نفسي نايمة عشان ما زودش
حزنها ..
كانت كل شوية تمسك ايدي وتحضنها بإيدها وتبوسها وأنا عاملة نايمة وببكي
لما النهار طلع مكنتش ادره أفطر ...كنت باكل كأن دي آخر مرة في عمرى ...
زلنا نودعها ولما الأتوبيس اتحرك لقيت نفسي مش قادرة بكيت قوي وبحرقة ...
ولما بعد الأتوبيس وروحنا البيت جارتنا بتقولي اجمدي أمال بكيت على كتفها
أجمد أنا طول عمري جامدة عشان بسند ضهري في حضن أمي
عدي يوم والتاني لقيت نفسي ست البيت ولازم أقوم بواجبي
كنت اروح الشغل وارجع أحط الغسيل في الغسالة ...وأختي تعمل الأكل
أنا أنشره أختي تروق البيت
نيجي ناكل ما نعرفش بناكل ايه وليه وازاي
نكلمها نبكي وهي تبكي
كان الحل الوحيد أني أفصل أقفل قلبي عشان أقدر اعيش لما رجعت وقولتلها كده قالتلي نفس اللي أنا عملته عشان تقدر تعمل عمرتها
كنت بحاول اجمد قلبي وارمي زعلي في شغلي وشوية في اي حاجة في البيت معرفش هيه ايه...
لما عرفت انها راجعة كانت الدنيا كله ورد وفل وياسمين
ولما قالولي ماما في نويبع حسيت لأول مرة معنى ان الشمس تشرق من الشرق
ومع كل خطوة تخطيها كنت أنا داخلة في سباق اروق فيه البيت
عارفين الفيلم اللي موناتجه يدخلك مشهدين مستمرين مع بعض أهو دا بالظبط
لما شوفتها بكيت لأني ما كنتش ملهوفة عليها
وعرفت السر أن قلبي لازال مقفول ويوم ورا يوم فتحت قلبي
وبقيت مش عاوزة اروح الشغل واسيب أمي
بحبها وكنت خايفة قوي لو قلبي لحد ما توحشه ..مقدرش أتحمل المسؤلية الصغنونة
اللي سابيتهالي
ربنا يخليكي ليا يا أجمل وأحن أم في الدنيا ويقبل عمرتك قولوا آمين
