النسياااااااااااااان ....

ودي الكلمة الوحيدة التي يمكني بها التعبير عن الحالة التي كنت عليها إبان" التدبيسة " من خالو أحمد في لقاء المدونين الكبير بالإسكندرية ....
أحمد قال د.منوسي.... وأنا دخلت في حالة نبضات القلب السريعة والتوتر السطحي -لأ أنا مش ناموسة- التوتر الظاهري ..نعم الذي ترتجف معه كل عضلة في جسدك ....ويستعيد مخك كل ذكريات الغباء من أول أولى إبتدائي لحد أمتحان الكمياء في الثانوية العامة إبان مشروع " التحسين" "أيام الرخص يعني" ....
ولأني أدرك تمام الإدراك أن حالة آل- زاهيمر لم تختار إلا هذا التوقيت لتعلن عن نفسها وبشدة ...فقد تمنيت أن أحمد ينسى أن دعاني للكلام ...هيهات يا منوسي... أخذت المايك بعد أن رأي الحضور أنهم لن يسمعوا شيئا من صوتي "آل يعني لو سمعوا ممكن كانوا يفهموا مني حاجة" ثم أخذت أتكلم عن موضوع أني لا دكتور ولا حاجة وأنها شهرة "صيت مش أكتر" أخذت اتكلم ولأن الوقت المخصص لي كان 2 دقيقة ولأن الاتزام" خادني قوي دونا عن أغلبية الحضور فقد تكلمت عن المرأة واهتمامي بها وكان المفروض أتكلم عن ثلاثة عناصر بدأت أتكلم عن المدونة وحرية التدوين للمرأة والرقابة التي تخضع لها و النظر بخوف من نشر ما يصح أو يعقل وتكلمت عن جرأة المدونات ومنهم نوران الشاملي ...هنا أدرك د.منوسي الزهايمر فظهرت تلك النظرة الخوخاء الملتاعة ....وتناثرت حركات يدي في بشاعة ..."تقريبا الأخ الي جانبي نابة كوع كده محترم"ونسيت فتوقفت عن الكلام وقلت شكرا...
أعتقد أن لا أحد تذكر د.منوسي اللهم إن أحمد الصباغ ذكر اسمه فقط
علي مدونتي الأخرى سوف أنشر ما لم استطع قوله ...وهو هام بالنسبة لي...وإن شاء الله عز وجل سوف أعيد نشره على د.منوسي .....

عصير برتقال

اللي في الصور أعلاه دا اسمه عصير بتقال ...وطبيعي أن يكون عصير البرتقال لونه أصفر او برتقالي وقوامه غليظ أو خفيف قليلا..مع بعض شوائب البرتقال ....
اليوم وكعادتي السيئة في عدم تناول الفطور في البيت ، ترجلت إلى أحدى المحال لشراء ما لذ طعمه وفقد كل قيمه الغذائية...
ومن ضمن المشتريات عصير جرين لاند برتقال ...لعلبة مكتوب عليها الآتي:
انها منتج طبقاً للمواصفات القياسية المصرية رقم 1602ج1/2003 .
خالي من المواد الحافظة والألوان الصناعية.
عصير برتقال طبيعي لا يقل عن 50%.
إلى هنا الكلام جميل لكن وللأسف قررت اليوم ان اشرب العصير في أحدى ال(المجات)حيث شكلها جميل (ويفتح النفس ) ما أن وضعت العصير في الكوب حتى أصابتني (قرفة شديدة) حاولت أن اشربه وأن انسى شكل العصير ....أنتصرت معدتي في النهاية وألقيت به في حوض المطبخ ...العصير كان لونه أصفر فاتح أقرب إلى الليمون المخفف بشدة (تقدر تقول شوية ميه وعليها نقطه لون أصفر!!!!!!!!!!!!!!!!!!
فين جمعيات حماية حقوق المستهلك بفتح اللام ..؟؟؟؟؟
ومن الملحوظ جدا على العلبة أنها مطابقة للمواصفات القياسية المصرية ...؟؟؟؟؟
هل هذه هي المواصفات التي نضمن بها حماية حقوق الإنسان؟؟؟ وعلى أيه ما هو المصري معدته تطحن الزلط مش مهم ما دام السادة أصحاب الشركة يتربحون وحينما تروح السكرة وتجيء الفكرة ...ننشر أعلانات في الجرايد تشجب وتوضح كيف أن المنتج سليم 100%
وليس قضية المياه المعدنية ببعيدة ...(.بقى يا ناس كل المياه المعبأة دي مطابقة أمال المخالفين مين؟)
مكتوب أن عصير البتقال فيها لا يقل عن 50% هذا يعني بالضرورة أنه من الممكن أن يكون في عصائر أخرى اقل من هذا إذا ما جدوى هذه العصائر التي لا تسمن ولا تغني من جوع ولا قيمة غذائيى تذكر لها ؟
من حقى كمواطن مصري ..أن تكون لي جمعية لحمايتي من الاستغلال وأن تكون القنوانين المصرية رادعة جدا خاصة فيما يتعلق بصحة المواطن ....
ألا قد بلغت ... اللهم فاشهد

لقاء المدونين الكبير بالاسكندرية

الزمان
يوم 27/6/2008 الجمعةالساعة 2 ظهرا
المكان رقم 345 ميامى 6 ش جمال عبدالناصر - عمارات التعمير - برج الأميرة - أعلى شركة الشرق للتأمين
أمام أسواق الشريف ----العصافرة / الإسكندرية
مع تحيات احمد الصباغ

التفاصيل كاملة على

http://marwa-mostafa.blogspot.com/

يوسف أفندي

يوسف افندي راجل كبيير قوي في السن ... عاصر البشوات ... والأمرا والاميرات .. راجل تاجر وعلى عينك يا تاجر... جميع السلع موجودة ...كافة شيء تلاقي ...هدوم تلاقي جزم تلاقي...وفرش كمان تلاقي...
الراجل كان تمام وتجارته عال العال... قامت الثورة ... الدنيا قامت عليه ... الراجل فضل يقاوم والقرش جرى في اديه ...
جت النكسة والبلد جالة واكسة ... الرؤؤس متدلدلة والجيوب بيضا والحالة مقندلة .....
جت 73 الدنيا قامت والحرب دارت والراجل واقف صامد ..يكافح عشان يعيش ما البلد ما عدش فيها مكان للدراويش
دخل عل الانفتاح والدنيا سداح مداح... اللي بقرش بقى باتنين والدولة حتجيب منين والشعب راخر يا حبتة عيني حيجيب منين....
مرت السنين واتبدل الحال ....واصبح الحال مش عال ... والصحة في النازل ... وركبة الدين من ورا العيال ...مسكهم التجارة وفهمهم انها شطارة ...فكروا الشطارة انهم يملوا الجيوب ونسوا علام الغيوب ....
وفضل الحال لحد ما عم العيال ... طلب حقه في المال ...حقك منين يا خال؟ دا الج يوسف لسه عايش وشغال ...و القرش قرشه والفرش فرشه ...والورث بعد الممات ..عم العيال طماع ما كفهوش انه كان بسرق اخوه لما كان عنده شغال .....فضل يحارب في العيال ... والعيلة سانعه وساكته...وعين منخل والتانية خلخال....واحد من العيلة كان لسه عنده فضيلة والأمانة جواه...قام يدافع عن الراجل الغلبان ... اه نسيت أقولكلم مش عقبال عندكم ...العيال نسيوه وابوهم سابوه واقف لوده يا ولداه .... والمحال ماضي والفروع كمان ....الراجل الشهم الهمام وقف لعم العيال وتمن المحال والفروع كمان ... بس قالوا في الأمثال زمان ...الكثرة تغلب الشجعان ....فضل الراجل عم الحيال يحمرق ورا الراجل الهمام ويدور له على مصيبة تاخده في الحال ....لم العيلة عليه ...واللي ما وقفش مع يوسف في شدته وقف ضدالراجل الهمام لحد تربته.. وتمن الراجل الهمام المحال.. وقال يسولها بالميت قد كده ... معجبش عم العيال وفضل ورا الراجل الهمام ودخل الصحافة في الموضوع وكمان الإعلام ....الدنيا اتقلبت منهم معارض ومنهم مؤيد ... واراجل الهمام اخد في الكلام وشد لحد حيله ما تهد ....
ويوسف فادي الغلبان واقف يتفرج على اللي كانوا زمان يموتوا في بضاعته وعنها ما يستغنوا ...ولما الغلا يكويهم كان لعنده يحبو ويحملوا ويشيلوا .... أه يا ولداه الراجل الهمام عم العيال ما نساه وفضل يدحلب وراه لما رازاه .... وبالبلاوي رماه ... ومن يومها لا حس ولا خبر
ويوسف افندي اللي جار عليه الزمان ودار ...وقف على راس محلاته في المزاد تتباع وبأرخص الأسعار ....
صحيح زمن الرجال ولى ودا زمان عم العيال .....

42 شارع والابي سيدني.....

حاجة ملونة ومخططة .... أنا
حاجة ملونة ومخططة أبيض في برتقاني... برضه أنا

دوري ... سمكة زرقا في المحيط الواسع ...بتلف وتلف مع مرهف سمكة البهلوان بيدوروا على نيمو
غصت معاهم في البحر الواسع ... هربت من المحيط ودخلت في التيار الاسترالي الشرقي
فيلم فيندينج نيمو أو البحث عن نيمو
ونيمو ده سمكة البهلوان الصغيرة ...تاه من بباه لما اتخنق وهرب فلقيوه الصيادين
اتاخد واتباع لدكتور الأسنان
ابوه ميأسش فضل يدور....ويدور لحد ما لقاه
... أنا بحيلكم الحكاية دي ليه....؟ أممممم يمكن عشان أنا دوري ؟ يمكن عشان مستنيه مرهف؟
يمكن عشان بحب المحيط الواسع ؟
يمكن عشان الفيلم كان فيه تحدي واصرار من نيمو ومن ابوه ومن دوري أنها تفتكر 42 شارع والابي سيدني
يمكن عشان أنا ضد أن الآباء يخنقوا أولادهم فيهربوا للمحيط الواسع بس محيط البشر فيه ألوان كتير مش بس أزرق
يمكن عشان أنا مش بحب السبورت الغلط ؟ يعني مش لما ولادكم يغلطوا ولا تلاقوا معاهم سجاير يبقى الحل محاكم التفتيش وعدم ترك أماكن صالحة للتخزين ... لأ الحل أن احنا نعرف سبب شرب الولد للسجاير نعالج المشكلة من الجذور مش نقصقص الفروع .....
يمكن عشان كل ده بحب فيلم نيمو المدبلج ويمكن عشان أنا بحب أعيش في عالم كرتون ... يمكن
بس اللي اعرفه أني بحب الكرتون وبس.....

تاج ... ساخن جدا

• من أنت؟ وكنت تحب تكون حد غير نفسك؟
• بتدون ليه - امتى - لمين وفين؟
• منظر أو موقف مش قادر تنساه عمرك؟
• أمنية شبة مستحيلة نفسك تتحقق؟
• تحب تكون مكان حد مشهور ؟مين ؟ وحتعمل ايه وقتها؟
• شايف مستقبلك إزاي ؟
• تختار زوجتك /زوجك عل أي أساس؟ المال /الدين/الجمال/ المستوى الأجتماعي ؟
• امتى يكون الحب أعمى؟
• شايف الدنيا إزاي؟
• صفة أو عمل جميل نفسك نشاركك فيه؟

التاج ده أحب أبعته ..

لجنى... لأنها أوحتلي بالفكرة.وعلى فكرة دي أول مرة أعمل فيها تاج لحد أوحد يبعتلي تاج.

أحمد الصباغ ... مينفعش ما نبعتش لعميد المدونين...

مجداوية ... لأنها بقالها كتير مقاطعة المدونة التانية...

بيتنا القديم ... مشكور أنه حاططلي لينك عنده...

الربان.. ربان السفينة اللي رايحة للحبيب...

الأخت فزلوكة ... لولقيتي وقت ...

راما ... عيب عليا كنت حنسى ...زميلة كفاح كارتوني

عبد الرحمن فارس...

نوران الشاملي ...كنت حبقى أنا اللي خيخة لو نسيتك

آبي صاحبة الكوكب ...

اتمنى أن حد يرد على التاج بتاعي وابعتولي على أيميلي

marwa.elswify@gmail.com

مشكوريين مقدماً

د.منوسي

خفت توحشيني ...أموت

بجد خفت لو سبت قلبي ...لحد ما توحشيه أموت
أنا عارفة أننا حنفارق بعض في يوم...
بس بجد بخاف م اليوم دا...
لما أمي راحت العمرة ... كانت أول مرة تبعد عندي ...
انا عمري ما فارقتها .. ربنا يخليهالي...
سفرها كان يوم الثلاثاء ... أصريت يوم السبت أني ألم كل حاجاتها في الشنطة
كنت كل ما ابص وشها او عيني تيجي في عنيها أعيط ...
وهيه تعيط .. كنت فرحانة أوي أنها طالعة عمرة لأنها طلبتها من ربنا ..
كان كل ما حد يكلمها او يزورنا يسلم عليها كنت اتنرفز وابقى مش عاوزة أشوف حد يفكرني أنها ماشية ...
يوم الاثنين نمنا قرب الفجر نامت جانبي زي عادتها عملت نفسي نايمة عشان ما زودش
حزنها ..
كانت كل شوية تمسك ايدي وتحضنها بإيدها وتبوسها وأنا عاملة نايمة وببكي
لما النهار طلع مكنتش ادره أفطر ...كنت باكل كأن دي آخر مرة في عمرى ...
زلنا نودعها ولما الأتوبيس اتحرك لقيت نفسي مش قادرة بكيت قوي وبحرقة ...
ولما بعد الأتوبيس وروحنا البيت جارتنا بتقولي اجمدي أمال بكيت على كتفها
أجمد أنا طول عمري جامدة عشان بسند ضهري في حضن أمي
عدي يوم والتاني لقيت نفسي ست البيت ولازم أقوم بواجبي
كنت اروح الشغل وارجع أحط الغسيل في الغسالة ...وأختي تعمل الأكل
أنا أنشره أختي تروق البيت
نيجي ناكل ما نعرفش بناكل ايه وليه وازاي
نكلمها نبكي وهي تبكي
كان الحل الوحيد أني أفصل أقفل قلبي عشان أقدر اعيش لما رجعت وقولتلها كده قالتلي نفس اللي أنا عملته عشان تقدر تعمل عمرتها
كنت بحاول اجمد قلبي وارمي زعلي في شغلي وشوية في اي حاجة في البيت معرفش هيه ايه...
لما عرفت انها راجعة كانت الدنيا كله ورد وفل وياسمين
ولما قالولي ماما في نويبع حسيت لأول مرة معنى ان الشمس تشرق من الشرق
ومع كل خطوة تخطيها كنت أنا داخلة في سباق اروق فيه البيت
عارفين الفيلم اللي موناتجه يدخلك مشهدين مستمرين مع بعض أهو دا بالظبط
لما شوفتها بكيت لأني ما كنتش ملهوفة عليها
وعرفت السر أن قلبي لازال مقفول ويوم ورا يوم فتحت قلبي
وبقيت مش عاوزة اروح الشغل واسيب أمي
بحبها وكنت خايفة قوي لو قلبي لحد ما توحشه ..مقدرش أتحمل المسؤلية الصغنونة
اللي سابيتهالي
ربنا يخليكي ليا يا أجمل وأحن أم في الدنيا ويقبل عمرتك قولوا آمين

ما أشبه هذا البحر الضخم بقلبي

أختر هذا المركب وأمضى نحوميناءي

امخر عباب الموج لأجلي

إرض غروري

ساوم عقلي

شق طريقا لك في حبي

قدم لي ورد أحمر

او أهدي لي ياسميناِ

أنشأ لك في قلبي حديقة

ازرع فيها ما شئت حبيبي

امضى نحو الغد واوسع

قد الخطوة

كالأميال

فالغد القادم لن يأتي افضل إن لم نسعى نحن الاثنان

عروسة فش غل

لأ مش عاوزة نباهة واسبهلال

مقريتوش المقال دا قبل كده ...

عروسة فشل غل

دا حتى كان ليوسف عوف الله يرحمه

كان بينادي فيه أن كل مواطن يكون عنده عروسه شبه مديره

وشبه مراته عشان يفشل غله فيهم

وكل واحد عنده حد مضايقه يروح الشركة يطلب منهم عروسه للشخص المطلوب

أنه يفش غله فيه

أنا بقى بعيد إحياء مشروع عروسه فش الغل دي

دي حتى تبقى فكرة مش بطاالة خاالص

بس عاوز كل واحد يدخل يقولي هو عاوز عروسه فش غل لمين وليه؟

مجنونة يكمن ؟

مجنونة ؟ يمكن ...

بس حاسة إني لسه عاوزة أعيش...

حاسة بطريق أمشيه لسه ما لقتوش ...

مجنونة يمكن؟ بس حاسة إني لسه عاوزة أعيش

حواديت حياتي ما تنتهيش

حلوة؟ مش عارفة ...لكن ما تتنسيش

بيتنا القديم ...و الأمان جواه

بعد السنين .. مشينا منه

سيبناه...

أصله زيه زي أي حاجة تانية ...

مش ممكن أبد الزمن تعيش

حاجات جميلة في عمري

بتخليني رافضة أفوت

من غير ما اسيب اثر يقول

كانت هنا من زمان واحدة عاوزة تعيش

مجنونة كانت؟ يمكن

بس كانت حاسة جواها

أحلام ما تتنتهيش...

ما بحبش الاستهبال....

انا ما بحبش الاستهبال من أساسه ...أن واحد يستهبل واعذرني انا مش بحب اغلط في حد...


ويقولك انفصال البنات عن الولاد في المدرجات تخلف وجامعات طالباني .. وحبشتكانات ..وكلام حنجوري...


وكمان قال ان الاخوان اللي بيدخلوا المدرج قبل المحاضرة ويقرأوا قرءان هو مش عاجبه وبقولهم احنا بنسكت علشان القرءان مش عشانكم ...طب ما ه ودا اللي هم عوزينه..وبقول كمان اعتمدوا على نفسكم يعني عاوزهم يعتمدوا على نفسهم في حملاتهم ميستجدوش عطف الناس بالقرءان...


وانا بصراحة ناوية ارد عليه من واقع خبرة...


بصوا بقى انا كنت في الجامعة من يجي 10سنين قبل هوجة الفضائيات والواوا والحمار والبقرة (اكيد فيه اغنية هندي عن البقرة وللعلم تبقي اغنية دينية)


المهم أن المدرجات كانت بتبقى سلطة بجدالولاد ع البنات الدكتور بيشرح والمعلمين في حتة تانية خلاص، اللي بيلعب في شعر زميلته ...واللي بياكل واللي بتعمل شعرها ضفاير واللي بتظبط الميكب تبع حضرتها واللي نازل سكشنه -نسبتاً الى السيكشن- وهوتعبير عن الواد اللي نازل حب في البنشت اللي مرتشبط بيها


والدكتور الغلبان نازل شرح مدح


صاحبنا عاجبوه يعني الكلام دا ...طب لعلمك انا كان نفسي اتعلم في كليةبنات لوحدها وولاد لوحدهم


دي حاجة الحاجة التانية يعني انا مش ممكن اطمن على اختي دلوقتي وهيه قاعدة في المدرجات المختلطة ليه؟؟


قولتولي ليه.....لأن هناك ثورة هرمونية تمشي على ارجل اسمها الشباب واعذروني انا نفسي اقول كلمة بس محدش يقولي سافل - ثورة جنسية


لأن الهرمونات تصنع الرجال مافيش راجل من غير هرمونات ذكورة


المهم ان هؤلاء الذكور... اصابتهم ثورة جنسية نهمة مبكرة كنتاج طبيعي لما يرونة في عصر السماوات المفتوحة


واغاني وافلام البورنو اللي بقت تتعرض عيني عينك ع القنوات


قاعد المحروس ... جنب اختي ينيل ايه ...اكيد حيقعد يسبل ويتلزق -دمي فار هات القوطةاي القطة يا ولد والفرفر والبندقة-يبقى لازم نفصل وبلاش كفاية على البنات اللي بيحصلهم في الشوارع


من جميع ما سبق نستخلص انه لازم نفصل او نخلي المحاضرات زي ما الاخ المعترض قال محاضرة الولاد ثم البنات او العكس


اما موضع الاخوان المسلمين اعتقد انه ليس الهدف التماحيك يعني ولو انه مش حرام - ما الريس كل يوم والتاني يظهر وبيبوس المصحف -وهو اساسا مش محتاج يقدم لنا كشف حساب عن علاقته بالله ولكن من باب الدعاية


طب هو حرام لأ... ولو اني اعتقد ان الاخوان مقصدهم الاساسي من الموضوع ده التزام الصف اي الخلق اللي قاعدة ترغي وكأن في ماسورة بنات وولاد ضربت ...


يعني محاولة لتهدئة الصف....


لكن اللي مطلع ترابنتيني ان يقول الجامعة الطالباني و الله ما انا عارف انتوا عاوزين ايه دا أنتو خليتوها سلطة
عموم أنا لا أحتم الرجل اللي بيدعوللاختلاط وبالذات في أماكن زي الجامعات و المدارس ووسائل المواصلات
دا بقى نص راجل يا إما راجل مش محترم واحد عاوز يلاقي حته طريقة في طريقة وخلاص ..
الستات مش سبيل أختي وامي وبنتي مش سبيل ليكم يا سادى تتفرجوا على شعرهم وفستانهم وتدوروا وشكوا وتقولوا مش حلوة...
وبعدين احنا ليه بنتحمق قوى لما حد يدعو للفطرة يعني ربنا خلق ءادم ولما أخرج من الجنة اخذ يبحث عن ما يواري به سوءته... عاوز يغطي عوراته فطرة سليمة ...نزعل ليه ...طب ما حدش طلع قال ليه ما ينفعش نعرض فيلم زي هي فوضى وحين مسخرة واحنا ....قبل كده -المفروض اتقابلنا بس ما علينا- ليه ؟
لأن فطرتنا بقت في الحضيض ...بعنا شرفنا باسم التحضر وومشينا شبة عرايا - راجع فيلم في محطة مصر مشهد كريم مع سها اللي مش عارفة اسمها ايه_ باسم انها متحررة -خالص دي حتى متحررة من هدومها كمان-
ويرجعوا يقولوا احنا حنبقى في طالبان ؟
لأ حنبقى في لاس فيجاس حنبقى احنا تقريبا بقينا خلاص ...
ما في فايدة شكلها باظت على رأي عمر طاهر ...
انا احب ابدأ بنفسي وربنا يعينا - إن شاء الله- يعني أنا كل ما اقابل واحدة لسه ما اشتغلتش وظروفها مش محتاجة شغل اقولها لأاعقلي حتروحي فين ؟ مهما قالولك عن اثبات ذاتك وخدعوك فقالوا ان لازم يبقالك قرش مستقل عن الدلعدي جوزك طب هوا وظيفة جناب سيادته ايه؟مش الست دي مسئولة منك يعني زي ابوها زمان؟ يبقى لازم حضرته يصرف عليها زيها زي ما كان أبوها معودها ...لأنه واخدها من بيت ناس
ومتصدقيش يا أختي الحبيبة المحلوبة ...انك وانت في البيت زيك زي كرسي ولا ترابيز
ة أنت من غيرك البيت سلطة ...

قاموس ...لوغرنمات أخي العزيز

مش قلت لكم اخي الحبيب عليه قاموس من الجمل الاعتراضية والتعجبية يفتح قاموس

يعني خد عندك لما موضوع يركن كده على قلبه ويطلع عينه يقولك ... يا ترابنتين الكنافة...

امبارح فاجأني كعادته بكلمة عن شركات السفر : انعم بالسفر والراحة مع شركة البطة المرتاحة

هو دا أخي العزيز ....
احيانا يضج بالحيوية والنشاط واحيانا يبقى دمه اتقل من اللبن الرائب .... صديقي العزيز .....رفيق درب الطفولة التي لم تكن ابدا سعيدة

صاحب في المغامرات التي لا يفعلها إلا نحن المخ والعضلات ...

مين غيرنا كان ممكن يطلع على الكوبري اللي بتعدي عليه القطارات ويعدي خط القطار ويقف بين القطاريين وهما بيعدوا؟
مافيش غيرنا ممكن يعدوا من تحت تريلا واقفة لاننا كنا صغيرين ...
النهاردة بعد عيد ميلادك المعرفش كام وعشرين ومش عاوزة اعرف
بقولك ربنا يخليك ليا ... انت صديق عزيز جدا وأخ حبيب وقريب من قلبي ظروفنا كانت واحدة عشناها سوا وعرفنا طعم الحياة الصعبة
وطلعنا عيال جدعة جدا ....
خلتني افكر لما يتعرض عليا موضوع جواز ألف مرة واخاف ما يكونش في خفة روحك وتسامحك

عارف انت انت بالنسبة لي ايه..... وعارفة انا بالنسبة لك ايه خوات وصحاب ويارب ع طول ....
وبدوام الصحة والستر والعافية بدعيلك....

رحنا بلاش يا عيال

المحافظ شكله قرا البوست ولا ايه

امبارح وانا مروحة لقيتهم منزلين القيشاني الحماماتي

اللي كانوا حطينه في النفق

الله أكبر

حلو قوي

بس هو احنا جواميس ولا حاجة يعني

محدش قاله عاوزين نبهدل النفق

بهدله

ولما طلع وحش غيره

هو ولا مؤاخذه دي عزبة بابا ولا حاجة

طب ممكن حضرتكم تقولولي

مين حيدفع التكلفة المرة دي ؟

يعني الشركة اللي نيلت أمل النفق هيه اللي حتلتزم تجيب قيشاني غيره

ولا تعمل كام جدارية نضيفة وتحطها

ولا حنعمل مناقصة تاني ؟

بس انا بسأل من باب الفضول ليس أكثر

البلد بلدنا والشعب شعبنا نبرطع فيهم براحتنا بقى

شالوا ألدو وحطوا شاهين

ما فيش مشكلة المهم

ان احنا خلصنا من حمام القيشاني الكئيب دا

ربنا يستر ومالاقيش بكره باب الحارة

حد يوقف بث قناة س الله يستركم

حمام القيشاني

لأ مش المسلسل السوري ..
انا بتكلم عن قيشاني حمام اسكندرية قصدي النفق
حد راح اسكندرية قريب؟ طب لو فيكوا حد اسكندراني اكيد داس الامر وشايف
النفق الجميل اللي كل يوم بنعدي عليه واحنا رايحيين الكلية بقي حمام قيشاني
ومن ا لدرجة العاشرة كمان ...
كان نفسي اجيب لكم صورة منه بس صعب قوي
مفضى الموضوع -حلوة مفضي دي - أن المحافظ الجديد المريض بالتجديد كعادة كل الحكام المصريين لما يشوه كل واحد منهم اللي عملوا اللي قبله حب يعمل تجديد للنفق ويغطي جدرانه ...حد اشتكي لجنابه ما النفق قميييل خلص وهو لونه رصاصي قوم ايه معرفش جاب القيشاني اللي جابه دا منين و الله انا فاكره واحد بعت في الجرنال يقول دا ولا حمام بلدي
والأكاده يا با العمدة الأهرام يقولك تعليق على صورة حمام القيشاني دا الاسكندرية تتجمل
والله أنا شايف إن الاسكندرية كانت جميلة قوي في عهد المحجوب اللي صاحبيكا احمد موسي ما هو من الCo عاوز يلبس المحجوب عمارة لوران طب إزاي يا مسلمين لما العمارة مبنية من 82 يعني قبلما يفكروا في المحجوب اصلا
نرجع مرجوعنا لحمام القيشاني النفق بقى شكله رهيب دا غير إنهم وهما بيحطوا القيشاني البلدي د كان بيقع ومش بيمسك في الحيطة ولكن لا حياة لمن نتنادي
اسكندرية اضربت في موسم الصيف اللي فات
شكلها كان حلو مين طلب منك تضيع فلوسنا في تجديدها دا على اساس ان اللي معمول فيها بقاله قرن ؟ يا عم ارحمنا فلوسنا يا نااااااس
مدخل اسكندرية عند كوبري مهاود عند كوبري محرم بك كن جميل وشكلها حلو الحديد اللي فيه ماشي مع لون الكوبري العلوي اصفر في اخضر وماشي مع لون الزرع واضح انهم اتزنقوا فيه في سبوبة قاموا خلعينة وعملوا بداله صبه اسمنت
طب الحديد الجديد راح فين ؟ طب شوارع اسكندرية اللي محرفرها كلها فكر يسفلتها أبدا الشوارع اللي مهمه عند سياته ويا ريتها عدلة بردك مطبات ...
طب ممكن حد يقولي هو عل كده ليه ؟
طب هما مخلينه ليه؟
سؤاااااااااااااال يبحث عن جوااااااااااب
ما حدش إبن حلال يقدم طلب احاطة ولا استجواب لمجلس الشعب ؟ ألا بالحق هو الحجر بتاع الرصفان الأمور دا راح فين ؟
اللي يعرف الحل يرسله الى د.أحمد فتحي سرور

...........أول مرة أكتب في الموضوع دا

..... يارب ... أعلم أنى عاصية لك ...ولكني أحلم بعفوك وكرمك
...يارب إن كان لا يرجوك إلا محسن ....فبمن يلوذ ويستجير المذنب
ربي ... خلقتني من تراب وكرمتني...فلم اشكرك على النعمة حق شكرك..
....سترت علي ذنبي .... ولم أتوب منه
....ترفقت بي ولم تأخذ حياتي
ولا زلت تجود علي بعطفك وكرمك
رباه...
أرجوك رحمة ألا يكون حلمك وكرمك علي ...إمهال
فبجودك وكرمك أحيا

ربااااه
استغفرك وأتوب إليك
من كل ذنب فعلته وأنت تنظر إلي ولم استحيي
من كل ذنب قلته بلساني ولم استحيي
استغفر الله العظيم
قولوا معي
استغفر الله العظيم الذي لا إله إلا هو الحي القيوم واتوب إليه
استغفر الله العظيم الذي لا إله إلا هو الحي القيوم واتوب إليه
استغفر الله العظيم الذي لا إله إلا هو الحي القيوم وأتوب إليه
رب اغفر لي وللمؤمنين والمؤمنات المسلمين والمسلمات
الحياء منهم والأموات الذين شهدوا لك بالوحدانية ولنبيك بالرسالة وماتو على ذلك.....

إتصلوا بغزة الآن

صورة لغزة من ويكيبيديا

فكرة جميلة من مدونة متر الوطن بكام....

إتصلوا بغزة الآن
إتصل برقم (009728284) ثم ضعوا بعد ذلك أي أربعة أرقام عشوائية
وسترد عليك عائلة فلسطينية من غزة قل لها نحن معكم سدد الله خطاكم وثبتكم .. وقل لهم مل يفتح الله عليك من تأييد وتعاطف ودعم معنوي
وستروا النتيجة كم من المشاعر والدموع أثناء المكالمة لا تتصورونه..

ما سبق منقول بالكامل من المدونة أعلاه...

أما ما حدث فإني اخترت اربع ارقام بالفعل ....

في البداية خفت يكون مقلب

يعني من اللي الشركات بتعملة علشان تزود رصيدها....

لما رن الجرس رد عليا صوت واحدة بتتكلم بالعبري....

مش قادرة اوصفلكم احساسي كان أزاي

حاجة كده عبارة عن ألم ...وخوف وتوتر ...الغدة الوطنية زادت من افرازاتها في العقل

والدم زاد نشاطه وضخه من القلب

حسيت ان قلبي هناك

في غزة

حسييت ان ساعات يمكن لأول مرة أحس بكده

ساعات الجوال بيبقى مفيد

حسيت ساعتها إني قاعدة في غزة

مع أهلها

بحب يا فلسطين

انت مش غزة وخلاص

انت القدس وغزة وخان يونس وقبر صلاح الدين...

الحرم الابراهيمي ...بيت لحم وجباليا ...والنصرة ..

بحبك يا يافا يا حيفا ...يا جنين ...

جنين يا جماعة وخان يونس...

فاكرينهم ضحايا مذبحة شارون ...

بيسان ...طولكرم...

رام الله ...

فلسطين

كلها وطني

...............غزة يا وجعي

غزة يا وجعي .... يا وجع السنين ...

ماذا نقول عنك إذا سألنا رب العالمين؟

**********************
غزة ...يا شهيدة في وطن تحكمه الخيانة....

ترى اذا مت هل تبقى لنا كرامة؟!
غزة ...

ما عاد يعبأ لكي إلا الثكالى

وشاب صغير فجروا عظامه



لم نفهم عويل الثكالي
لم نفهم صراخ الصغير
لم نلتفت ..وواصلنا المسير

دمروك يا وطني الجميل...

باعوك قطعاً وأميالاً وسنين..
اغتالوا فيك برائتنا...

وشجر الزيتون.....

وما بكى عليك غير آذار الحزين........

اترون ماذا فعلوا به؟
هذا صديق لي كان معي نلعب ...
حينما كنا صغار ...
دمروره ....
قطعوه...
ما تركوا لي غير اشلاء صغار...
انا لا اصدق انه انت القتيل ...
بل هم القتلى وهم لا يعلمون...
بل القتلى اكذوبة سميناها يوما ...عروبة
ماذا فعلت لي العروبة
ماذافعل لي السلام ؟
لم يتركوا لي حتى الكلام ...
ودمروا اخر الاحباب في وطني الحزين...
لك الله يا غزة...
فما عاد لنا غير الدعاء....
تقطعت أوصال آباء وأمهات ...
ولفظوا انفاسهم وما رد النداء ...
غير مانشتات الجرائد...
تدعوكم لوقف القتال...
فقد افزعت أطفالهم وهم نيام...
لك الله يا غزة ...
لك الله يا غزة
لك الله... ياغزة ......

..............وما الدنيا إلا.

وما الدنيا إلا طريق one way

وشها واحد ... ما بتغيروش...

احنا اللي بنلف وندور... بالوشوش.....

مرة نعمل فرحانين ...

مرة نعمل زعلانيين...

ومرة زي ام العروسة ...فاضييين ومشغولييين.....

وبنرجع نقابل الدنيا ... بوشها المغرور ...

طريق واحد بنمشي فيه ...

مافيهش رجوع...

ماذا وراء دعم أمريكا لإستقلال "كوسوفا" ؟

تقع كوسوفا في البلقان محاصرة من الشمال والشمال الشرقي "بصربيا" ويحدها من الجنوب مقدونيا وألبانيا، ومن الغرب الجبل الأسود، وتبلغ مساحتها 10.887 كيلومتراً مربعا.
وعدد سكانها :ثلاثة ملايين نسمة - 90% "ألبـــان" و4% "صرب" و3% "أتراك" و2% "بشناق" و1% "قوميات أخرى" - وتبـلغ نسبة المسلمين : حوالي 95%. دخل الإسلام إلى كوسوفا في عام 1389م، إبَّان المواجهة الحاسمة بين العثمانيين والصرب ، في المعركة التي اشتهرت باسم "قوصوه" أو "كوسوفا" وقد هُزم الصرب في تلك المعركة، وقتل فيها ملكهم بعد هزيمة جيشه.

في سنة 1981مقام المسلمون بثورة شعبية على مستوى كوسوفا كلها، يطالبون فيها باستقلال كوسوفا عن صربيا ومنحها حكم ذاتيا الجمهورية في إطار يوغسلافيا الفيدرالية الشيء الذي جعل السلطات الصربية تأمر القيادات العسكرية بقمع انتفاضة الشعب المسلم، حيث نزل الجيش المدجج بأفتك أنواع الدبابات، والأسلحة الحديثة التي راحت تحصد المسلمين هنا وهناك. وقدر عدد قتلى المسلمين في اليوم الأول بحوالي 300 قتيل، هذا فضلا عن هدم البيوت، وتدمير المنشات الخدمية، وانتهاك حرمة المساجد والمدارس الدينية، وهتك أعراض الحرائر من أخواتنا المسلمات.

ومع كل هذا القمع الشديد استمر المسلمون في المطالبة بحقوقهم إلى بداية انهيار الشيوعية، التي آذنت بتفكك الاتحاد اليوغسلافي، وراحت كل جمهورية من جمهورياته تأخذ طريقها نحو الاستقلال التام عن يوغسلافيا الفيدرالية، فتوقع المسلمون أن أفول الظلام الماركسي، وظهور نظام جديد في أوروبا الشرقية سوف يسمح بالحريات لشعوب المنطقة، ويعطيها الحق في تقرير مصيرها.
وقد امتد هذا حتى شمل جمهوريات يوغسلافيا، فأعلنت البوسنة استقلالها بعد سلوفينينا (وكرواتيا) وهنا قامت قيامة أعداء الله، فأعلنوا الحرب على الإسلام والمسلمين، وصرحوا على الملأ " بأنهم لن يسمحوا بقيام دولة إسلامية في أوروبا" ثم حدث بعد ذلك ما حدث من الجرائم الوحشية والمذابح الجماعية التي ارتكبت في حق هذا الشعب المسلم، والتي شهدها العالم بأسره، ولم يحرك لها ساكناً !! .
إستفتاء وكان أن أجرى المسلمون الألبان في كوسوفا استفتاء عاماً فيما بينهم بعد تفكك الاتحاد اليوغسلافي. * في سبتمبر 1991م، أسفر عن انحياز الأغلبية المطلقة- للاستقلال، وتطور الأمر إلى انتخاب مجلس نيابي، وتشكيل حكومة، وتنصيب رئيس لجمهوريتهم المستقلة هو الدكتور إبراهيم روغوفا، ولكن الحكومة الصربية تجاهلت كل هذه الإجراءات، واعتبرتها كأن لم تكن، بل بدأت بمرحلة جديدة من الاعتقالات والتعذيب، والاضطهاد فاقت سابقتها، وفي هذا الصدد ارتكب الصرب جرائم كبيرة ضد هذا الشعب المسلم، ولا يزالون يواصلون جرائمهم واعتداءاتهم على إخواننا المسلمين، في ظل صمت مطبق من العالم الإسلامي!!
وظل الصرب يمارسون إجراءاتهم القمعية ضد المسلمين في كوسوفا طوال الفترة الماضية، ولم يكن أمام الشعب المسلم خيار إلا المقاومة والانتفاضة أمام التجاوزات والتضييق، وسياسة الإفقار والتجهيل الممارسة ضده من طرف الصرب المهيمنين على مقاليد البلاد.

الجرائم الصربية

وقد بدأت هذه الجرائم الصربية التصفيات الجسدية، وتدمير المساجد، والمنازل،

(واغتصاب المسلمات) بدأت هذه الجرائم تتوالى على المسلمين

فتم إبعاد اللغة الألبانية عن كل تعامل رسمي، ومُنعت منعاً باتا في المدارس والجامعات.

وطرد كل ألباني مسلم من وظيفته العمومية والمراكز الحساسة كالأمن والجيش،

وقتل أكثر من 100 جندي مسلم خلال خدمتهم العسكرية في الجيش اليوغسلافي الصربي) وجرح أكثر من 600 في حالات اعتداءات متكررة استهدفت طرد المسلمين من الجيش لمنع المقاومة المسلحة ضد الصرب.
* قامت السلطات الصربية في سنة 1990 بوضع السم القاتل (في خزانات مياه المدارس بمدن كوسوفا، فتسمم منها أكثر من سبعة آلاف طفل من أطفال المسلمين، وكانت الحادثة من أبشع الجرائم التي ارتكبها الحقد الصليبي الصربي) ضد أطفال المسلمين، ولا حول ولا قوة إلا بالله العلي العظيم.

* أغلقت القوات الصربية جميع المدارس الابتدائية والثانوية الألبانية، وأتبعتها بجامعة بريشتينا الألبانية، وقامت بطرد جميع طلابها. * أغلقت المكتبات المركزية في جميع مناطق كوسوفا، وصادرت الكتب العلمية النادرة، ونقلتها بواسطة الشاحنات العسكرية إلى مصانع الورق، لإعادة تصنيعها ورقا عاديا!!.
* ولا يزال القوم يواصلون اعتداءاتهم وجرائمهم البشعة ضد الشعب المسلم في كوسوفا، ولعل أبشعها المذبحة الأخيرة التي حدثت في أيام شهر رمضان الماضي 1419هـ في قرية (راتشاك) والتي قتل فيها أهل القرية جميعا.

موقع المسلون والعالم...

بعد كل ما سبق هل نصدق أكذوبة تأييد الولايات المتحدة لاستقلال كوسوفا ؟

الامر بات واضحا جلياً ، فالولايات المتحدة لم تنسى أبدا عدوها السوفيتي ولا معاونوه ...ولم ولن تنسى أن لها أطماع في هذه القارة ...

ودعونا لا ننسى نحن الآخرين أن هؤلاء الأمريكان هم بروتستانت أوروبا الذين طردوا حينما رفضوا سياسة الكنيسة ...فقهجروا إلى تلك البلاد الجديدة... وبات واضحاً أنه مما تظاهر الأمريكيون بتفاعلهم مع أورويبا فما هي إلا مصالح مشتركة .. لكن (صباح الخير يا كنيسة إللي في القلب في القلب)

إذاً لا يعدو هذا التسامح مع اقليم كوسوفا سوى مزيد من سكب البنزين على النيران المشتعلة ...وتسريب غاز مشتعل عديم اللون والرائحة للفتك بالمسلمين ...

وإلا فما الداع لكل هذا التعاطف لإقليم كوسوفا وهذا التجاهل الشديد لفلسطين وحصار غزة...إنها إحدى الطريق السياسية الأمريكية في لفت الانتباه لشيء غير موجود للتغطية على ممارسات شنيعة ترتكب باسم الحرية والقضاء على الليبرالية في دول أخرى كثيرة..ومما أكد لي نظريتي في انتقام امريكا من العدو المعتاد الروسي الآن السوفيتي سابقا، هو ما اعلنته البي بي سي العربية في صباح اليوم من أن روسيا سوف تستمر بشدة في دعمها للصرب ضد استقلال اقليم كوسوفا....

وهذا في نظرى ما نجت فيه الولايات المتحدة بالزج بروسيا في مهاترات سياسية جديدة مما يحرج بوتين أمام الرأي العام العالمي إذا ما رشح نفسه لفترة انتخابية جديدة

ومن ناحية أخرى تقوض المد الإسلامي في الاقليم بتوليه رئيس له موالي لها ..

إذا الولايات المتحدة لم تتخل عن وجهها القبيح بعدوأطماعها الاستعمارية التي تجري منها مجرى الدم في العروق...

هي فقط تتجمل أمام العالم لتصبع على نفسها صفة شرعية في تولية من تريد وعزل من تريد عن عرش الدول...

على أيه حال هي محاولة إلى المحافظة على ماء الوجه واضفاء صورة ديمقراطية جميلة على الإدارة الامريكية الحالية بقيادة بوش مع لفظها لآخر انفاسها...وقد تكون محاولة للزج بالسياسة الجديدة في مدار السياسة القديمة بقيادة بوش...

مهما بدا الامر فلا زلنا لا نتوقع الكثير من الادارة الامريكية وان كنا ننتظر ما ستأتي به الرياح حتى ولم يكن بمالا تشتهي السفن....

د.منوسي